ഓസ്ട്രിയയിലെ ഭീകരാക്രമണം; ഒരേദിവസം ആറിടത്ത് വെടിവെപ്പ്; അക്രമിയുള്‍പ്പെടെ രണ്ട് പേര്‍ കൊല്ലപ്പെട്ടു
ഡൂള്‍ന്യൂസ് ഡെസ്‌ക്
Tuesday, 3rd November 2020, 8:06 am
വിയന്ന: ഓസ്ട്രിയയുടെ തലസ്ഥാനമായ വിയന്നയില്‍ ഭീകരാക്രമണം. ഒരേ ദിവസം ആറിടങ്ങളിലായാണ് ഭീകരാക്രമണമുണ്ടായത്.
ആയുധങ്ങളുമായി എത്തിയ സംഘം ആള്‍ക്കൂട്ടത്തിന് നേരെ വെടിയുതിര്‍ക്കുകയായിരുന്നു. ഒരു അക്രമിയുള്‍പ്പെടെ രണ്ട് പേര്‍ ആക്രമണത്തില്‍ ഇതുവരെ കൊല്ലപ്പെട്ടു. നിരവധി പേര്‍ക്ക് പരിക്കേറ്റിട്ടുണ്ട്.
വിയന്നയിലെ സെന്‍ട്രല്‍ സിനഗോഗ് പരിസരത്ത് ഓസ്ട്രിയന്‍ പ്രാദേശിക സമയം എട്ട് മണിയോടെയാണ് വെടിവെപ്പുണ്ടായത്. അതേസമയം അക്രമികളുടെ ലക്ഷ്യമെന്താണെന്ന് വ്യക്തമല്ലെന്ന് പൊലീസ് പറയുന്നു. അക്രമികള്‍ക്കായുള്ള തിരച്ചില്‍ തുടരുകയാണെന്നും വിയന്ന പൊലീസ് ട്വീറ്റ് ചെയ്തു.
