ഒറ്റ സെഷനില്‍ ബെന്‍ സ്റ്റോക്സ് എറിഞ്ഞത് 14 നോ ബോളുകള്‍, അംപയര്‍ കണ്ടത് ഒന്നുമാത്രം; ആഷസ് വിവാദത്തില്‍
സ്പോര്‍ട്സ് ഡെസ്‌ക്
Thursday, 9th December 2021, 5:46 pm
ഗാബ: ആഷസ് പരമ്പരയുടെ ഒന്നാം ടെസ്റ്റ് വിവാദത്തില്‍. ഇംഗ്ലണ്ട് താരം ബെന്‍ സ്റ്റോക്സ് എറിഞ്ഞ നോ ബോളുകള്‍ അംപയര്‍ വിളിച്ചില്ല എന്നതാണ് വിവാദത്തില്‍പ്പെട്ടിരിക്കുന്നത്.
ഒന്നാം ടെസ്റ്റിന്റെ രണ്ടാം ദിവസമായ വ്യാഴാഴ്ചയിലെ ആദ്യ സെഷനില്‍ 14 നോ ബോളുകളാണ് ബെന്‍ സ്റ്റോക്സ് എറിഞ്ഞത്. ഇതില്‍ ഒരെണ്ണം മാത്രമാണ് അംപയറുടെ ശ്രദ്ധയില്‍പ്പെട്ടത്.
ഒരെണ്ണം ഓസ്‌ട്രേലിയന്‍ ഓപ്പണര്‍ ഡേവിഡ് വാര്‍ണറും പുനപരിശോധിച്ചു. മത്സരത്തില്‍ 17 റണ്‍സില്‍ നില്‍ക്കേ വാര്‍ണര്‍ ബെന്‍ സ്റ്റോക്‌സിന്റെ ബോളില്‍ പുറത്തായി.
പക്ഷേ മൂന്നാം അംപയര്‍ നടത്തിയ പരിശോധന ഇത് നോട്ട് ഔട്ട് എന്ന് വിധിച്ചു. ബെന്‍ സ്റ്റോക്സ് എറിഞ്ഞ ആ ബോള്‍ നോ ബോളാണെന്ന് കണ്ടെത്തുകയായിരുന്നു.
