മാഞ്ചസ്റ്ററില്‍ ഇന്ത്യയോടേറ്റ തോല്‍വിയില്‍ നിരാശനായ പാക് ആരാധകനെ ആശ്വസിപ്പിച്ച് ബോളിവുഡ് താരം രണ്‍വീര്‍ സിങ്. സ്റ്റേഡിയത്തിനകത്ത് കളി കഴിഞ്ഞപ്പോഴാണ് ഈ ക്രിക്കറ്റ് പ്രേമിയെ രണ്‍വീര്‍ നെഞ്ചോട് ചേര്‍ത്തത്.
മനസ്സുമടുപ്പിക്കേണ്ടെന്നും ഇനിയും അവസരമുണ്ടാവുമെന്നും ആരാധകനോട് രണ്‍വീര്‍ പറയുന്നുണ്ട്. ഇന്ത്യയെ പിന്തുണച്ച് കളി കാണാനെത്തിയ രണ്‍വീറിന്റെ ഈ ആശ്വാസ വാക്കുകള്‍ക്ക് പാക് ആരാധകര്‍ക്കിടയില്‍ വന്‍ സ്വീകാര്യതയാണ് ലഭിയ്ക്കുന്നത്.
Indian fans are nice. Thanks @RanveerOfficial. pic.twitter.com/kxi1DyDAI1
— Aatif Nawaz (@AatifNawaz) June 16, 2019
മാഞ്ചസ്റ്ററിലെ മത്സരത്തില്‍ ഗ്യാലറിയില്‍ ഇന്ത്യയെ പിന്തുണച്ച രണ്‍വീര്‍ കമന്ററി ബോക്‌സിലും എത്തിയിരുന്നു. കോഹ്‌ലി, സച്ചിന്‍, സെവാഗ്, ബ്രയാന്‍ ലാറ, ഹര്‍ഭജന്‍, ഗാംഗുലി, ഹാര്‍ദിക് പാണ്ഡ്യ, കെ.എല്‍ രാഹുല്‍, ശിഖര്‍ ധവാന്‍ എന്നിവര്‍ക്കൊപ്പം താരം സെല്‍ഫിയെടുക്കുന്നതും കാണാമായിരുന്നു.
