'നിനക്കെന്റെ ഹീറോയിനായിട്ട് അഭിനയിക്കണോ എന്ന് മമ്മൂക്ക, കളിയാക്കുകയാണെന്ന് തോന്നിയപ്പോള്‍ എടുത്തടിച്ചപോലെ ഞാനും മറുപടി നല്‍കി'; വിന്ദുജ മേനോന്‍
എന്റര്‍ടെയിന്‍മെന്റ് ഡെസ്‌ക്
Thursday, 29th July 2021, 3:48 pm
മലയാള സിനിമയ്ക്ക് ഒരുപിടി മികച്ച ചിത്രങ്ങള്‍ സമ്മാനിച്ച നടിയാണ് വിന്ദുജ മേനോന്‍. അഭിനയരംഗത്തും നൃത്തരംഗത്തും സജീവമാണ് വിന്ദുജ ഇപ്പോള്‍.
ഇപ്പോഴിതാ മമ്മൂട്ടിയുമൊത്തുള്ള അഭിനയ ഓര്‍മ്മകള്‍ പങ്കുവെയ്ക്കുകയാണ് വിന്ദുജ. ബിഹൈന്‍ഡ് വുഡ്സിന് നല്‍കിയ അഭിമുഖത്തിലാണ് വിന്ദുജ മനസ്സുതുറന്നത്.
‘എല്ലാവര്‍ക്കും മമ്മൂക്ക എന്ന് പറയുമ്പോള്‍ വളരെയധികം പേടിയൊക്കെയാണ്. നമുക്ക് അദ്ദേഹത്തോടുള്ള ബഹുമാനം ഒക്കെ കൊണ്ടുണ്ടാകുന്ന ഭയമാണത്. കുറച്ച് മുമ്പ് ഒരു റിപ്പോര്‍ട്ട് ചെയ്യുന്നതിന്റെ ഭാഗമായി ഞാന്‍ മമ്മൂക്കയ്ക്ക് മെസേജ് അയച്ചിരുന്നു.
മെസേജ് കണ്ടപാടെ അദ്ദേഹം ഹലോ എന്ന് മറുപടിയും തന്നു. അപ്പോള്‍ എനിക്ക് സംശയമായി. ഞാന്‍ മമ്മൂക്ക തന്നെയല്ലെ എന്ന് അങ്ങോട്ട് ചോദിച്ചു. അദ്ദേഹം അതെയെന്ന് മറുപടിയും തന്നു.
