'അര്‍പ്പണബോധമുള്ള നടനാണ്, കൂടെ വര്‍ക്ക് ചെയ്യുന്നവര്‍ക്ക് നല്ല എനര്‍ജിയുണ്ടാക്കും'; പ്രഭാസിനെപ്പറ്റി ശ്രുതി ഹാസന്‍
എന്റര്‍ടെയിന്‍മെന്റ് ഡെസ്‌ക്
Tuesday, 2nd February 2021, 9:11 pm
ചെന്നൈ: വ്യത്യസ്തമായ കഥാപാത്രങ്ങളിലൂടെ തന്റേതായ ആരാധകരെ സൃഷ്ടിച്ച നടിയാണ് ശ്രുതി ഹാസന്‍. താരത്തിന്റെ 35-ാം പിറന്നാളാഘോഷങ്ങളും സോഷ്യല്‍ മീഡിയ ഏറ്റെടുത്തിരുന്നു.
ബാഹുബലി താരം പ്രഭാസിനോടൊപ്പമുള്ള സലാര്‍ ആണ് ശ്രുതിയുടെ ഏറ്റവുമടുത്ത് പുറത്തിറങ്ങാനിരിക്കുന്ന ചിത്രം. ചിത്രത്തിന്റെ ഷൂട്ടിംഗ് പുരോഗമിക്കുകയാണ്.
ഇതിനിടെ പ്രഭാസിനോടൊപ്പം അഭിനയിച്ചതിന്റെ ഓര്‍മ്മകള്‍ പങ്കുവെയ്ക്കുകയാണ് ശ്രുതി. ടൈംസ് ഓഫ് ഇന്ത്യയോടായിരുന്നു ശ്രുതിയുടെ പ്രതികരണം. പ്രഭാസിനോടൊപ്പം പ്രവര്‍ത്തിക്കാന്‍ കഴിഞ്ഞത് തന്റെ ഭാഗ്യമാണെന്നാണ് ശ്രുതി പറഞ്ഞത്.
