"ഞാന്‍ ചെയ്യുന്ന വര്‍ക്ക് ഔട്ട് അദ്ദേഹത്തിന് വാം അപ്പ് സെഷന്‍ മാത്രമാണ്"; മോഹന്‍ലാലിനൊപ്പമുള്ള വര്‍ക്ക് ഔട്ട് ഫോട്ടോ പങ്കുവെച്ച് കല്യാണി
ഡൂള്‍ന്യൂസ് ഡെസ്‌ക്
Saturday, 4th September 2021, 9:31 pm
കൊച്ചി: മോഹന്‍ലാലിന്റെ വര്‍ക്ക് ഔട്ട് ചിത്രങ്ങള്‍ക്ക് എന്നും ആരാധകരേറെയാണ്. ജിമ്മിലേയും മറ്റും ചിത്രങ്ങള്‍ താരം സോഷ്യല്‍ മീഡിയയില്‍ പങ്കുവെക്കുമ്പോള്‍ ക്ഷണനേരം കൊണ്ടാണ് വൈറലാവാറുള്ളത്.
ഇപ്പോഴിതാ മോഹന്‍ലാലുമൊത്തുള്ള വര്‍ക്ക് ഔട്ട് ഫോട്ടോ പങ്കുവെച്ചിരിക്കുകയാണ് നടി കല്യാണി പ്രിയദര്‍ശന്‍.
‘ഞാന്‍ ചെയ്യുന്ന വര്‍ക്ക് ഔട്ട് അദ്ദേഹത്തിന് വാം അപ്പ് സെഷന്‍ മാത്രമാണ്’ എന്ന ക്യാപ്ഷനോടെയാണ് ജിമ്മില്‍ നിന്നുള്ള ഫോട്ടോ കല്യാണി പങ്കുവെച്ചിരിക്കുന്നത്.
മോഹന്‍ലാലിനെ നായകനാക്കി പൃഥ്വിരാജ് സംവിധാനം ചെയ്യുന്ന ‘ബ്രോ ഡാഡി’യിലാണ് കല്യാണി ഇപ്പോള്‍ അഭിനയിച്ചുകൊണ്ടിരിക്കുന്നത്. ആശീര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ചിത്രം നിര്‍മിക്കുന്നത്.
