പിറന്നാളാശംസകള്‍ സ്റ്റീഫന്‍! 61 ലേക്ക് കടന്ന മോഹന്‍ലാലിന് ആശംസകളുമായി പൃഥ്വിരാജ്
എന്റര്‍ടെയിന്‍മെന്റ് ഡെസ്‌ക്
Thursday, 20th May 2021, 11:15 pm
മോഹന്‍ലാലിന്റെ 61ാം പിറന്നാള്‍ ദിനത്തില്‍ ആശംസകള്‍ അറിയിച്ച് നടന്‍ പൃഥ്വിരാജ്. ലൂസിഫര്‍ സിനിമയുടെ ഷൂട്ടിംഗ് ചിത്രം പങ്കുവെച്ചുകൊണ്ടാണ് പൃഥ്വിരാജ് മോഹന്‍ലാലിന് ആശംസയുമായി എത്തിയത്.
‘ലൂസിഫര്‍ ഷൂട്ടിന്റെ ആദ്യദിനമായിരുന്നു ഇത്. ഈ മഹാമാരിയില്ലായിരുന്നെങ്കില്‍ നമ്മളിപ്പോള്‍ എംബുരാന്‍ ഷൂട്ടിംഗ് ചെയ്യുന്നുണ്ടാവും. എത്രയും പെട്ടെന്ന് തന്നെ അത് നടക്കുമെന്നാണ് കരുതുന്നത്. പിറന്നാളാശംസകള്‍ സ്റ്റീഫന്‍! പിറന്നാളാശംസകള്‍ അബ്‌റാം. പിറന്നാളാശംസകള്‍ ലാലേട്ടാ!,’ പൃഥ്വിരാജ് ഫേസ്ബുക്കില്‍ കുറിച്ചു.
മോഹന്‍ലാലിനെ നായകനാക്കി പൃഥ്വിരാജ് ആദ്യമായി സംവിധാനം ചെയ്ത സിനിമായായിരുന്നു ലൂസിഫര്‍.
