മരക്കാറിലെ ഏതെങ്കിലും രംഗം വെല്ലുവിളിയുള്ളതായി തോന്നിയിരുന്നോ എന്ന ചോദ്യത്തിനായിരുന്നു അദ്ദേഹത്തിന്റെ പ്രതികരണം.
‘എന്നെ വീക്ഷിക്കാന്‍ സംവിധായകന്‍ എന്നൊരാള്‍ മുന്നിലുണ്ടാകും. ഞാന്‍ 100 ശതമാനവും സംവിധായകനെ ആശ്രയിച്ചാണ് നില്‍ക്കുന്നത്. ഞാന്‍ അദ്ദേഹത്തെ പൂര്‍ണമായും വിശ്വസിക്കുന്നു,’ മോഹന്‍ലാല്‍ പറയുന്നു.
സംവിധായകന്‍ തന്നോട് ഒരു ടേക്ക് കൂടി പോകണമെന്ന് ആവശ്യപ്പെട്ടാല്‍ അതിലെ പാളിച്ചകള്‍ എന്താണെന്ന് മനസിലാക്കിയ ശേഷം ചെയ്തുകൊടുക്കുമെന്നും അദ്ദേഹം കൂട്ടിച്ചേര്‍ത്തു. ഒരു രംഗം അഭിനയിക്കുക എന്നത് വെല്ലുവിളി നിറഞ്ഞ ഒന്നല്ലെന്നും അദ്ദേഹം പറഞ്ഞു.
മരക്കാറിനെ സംബന്ധിച്ച് ആക്ഷന്‍ രംഗങ്ങളായിരുന്നു ബുദ്ധിമുട്ടേറിയതെന്നും മോഹന്‍ലാല്‍ പറഞ്ഞു.
തിയേറ്റര്‍ റിലീസിന് പിന്നാലെ ഡിസംബര്‍ 17 നാണ് മരക്കാര്‍ അറബിക്കടലിന്റെ സിംഹം എന്ന ചിത്രം ആമസോണ്‍ പ്രൈമില്‍ റിലീസ് ചെയ്തത്. മോഹന്‍ലാല്‍, നെടുമുടി വേണു, മഞ്ജു വാര്യര്‍, പ്രണവ് മോഹന്‍ലാല്‍, കല്ല്യാണി പ്രിയദര്‍ശന്‍, മുകേഷ്, സുനില്‍ ഷെട്ടി,ഇന്നസെന്റ്, മാമുക്കോയ തുടങ്ങിയ താരങ്ങളുടെ നീണ്ട നിര തന്നെ ചിത്രത്തിലുണ്ട്.
