ഇക്കാര്യം മോഹന്‍ലാലുമായി സംസാരിച്ചിട്ടുണ്ട്; മോഹന്‍ലാലിനെ നായകനാക്കി സിനിമ ചെയ്യാനൊരുങ്ങി അര്‍ജുന്‍ സര്‍ജ
എന്റര്‍ടെയിന്‍മെന്റ് ഡെസ്‌ക്
Thursday, 23rd February 2023, 9:48 pm
മോഹന്‍ലാലിനെ നായകനാക്കി ഒരു സിനിമ സംവിധാനം ചെയ്യാന്‍ തനിക്ക് പദ്ധതിയുണ്ടെന്ന് നടന്‍ അര്‍ജുന്‍ സര്‍ജ. ഏറെ നാളായി താന്‍ ഇക്കാര്യത്തെ കുറിച്ച് മോഹന്‍ലാലുമായി ചര്‍ച്ച നടത്തുന്നുണ്ടെന്നും ഉടനെ ഇല്ലെങ്കിലും മോഹന്‍ലാലിനെ നായകനാക്കി ചിത്രം സംവിധാനം ചെയ്യുമെന്നും അദ്ദേഹം പറഞ്ഞു. ധ്രുവ സര്‍ജയുടെ പുതിയ ചിത്രമായ ‘മാര്‍ട്ടിന്‍’ ടീസര്‍ ലോഞ്ച് ചടങ്ങിലാണ് അര്‍ജുന്‍ സര്‍ജ ഇക്കാര്യങ്ങള്‍ പറഞ്ഞത്.
മരക്കാര്‍ അറബിക്കടലിന്റെ സിംഹം എന്ന പ്രിയദര്‍ശന്‍ ചിത്രത്തില്‍ അര്‍ജുന്‍ സര്‍ജയും മോഹന്‍ലാലും ഒരുമിച്ച് അഭിനയിച്ചിരുന്നു. ചിത്രത്തിന് ദേശീയ പുരസ്‌കാരം വരെ ലഭിച്ചിരുന്നു. സിനിമയിലെ അര്‍ജുന്റെ പ്രകടനത്തിന് വലിയ കയ്യടികളും ലഭിച്ചിരുന്നു.
