ഓം, റൂമിലേക്ക് വാ; ആദിപുരുഷ് ടീസറിന് പിന്നാലെ സംവിധായകനെ വിളിക്കുന്ന പ്രഭാസിന്റെ വീഡിയോ വൈറല്‍
എന്റര്‍ടെയിന്‍മെന്റ് ഡെസ്‌ക്
Monday, 3rd October 2022, 8:33 pm
കഴിഞ്ഞ കുറച്ച് മാസങ്ങളായി സോഷ്യല്‍ മീഡിയയില്‍ ചര്‍ച്ചയായ സിനിമയാണ് പ്രഭാസിന്റെ ആദിപുരുഷ്. രാമായണത്തെ ആസ്പദമാക്കി ഓം റൗട്ട് സംവിധാനം ചെയ്യുന്ന സിനിമക്ക് വലിയ ഹൈപ്പാണ് ഉയര്‍ന്നത്.
എന്നാല്‍ ചിത്രത്തിന്റെ ടീസര്‍ പുറത്ത് വന്നതോടെ ആരാധകര്‍ക്ക് വരെ വലിയ നിരാശയാണ് ഉണ്ടായത്. രാമായണത്തില്‍ ഇല്ലാത്ത പലതരം ജീവികളെയും പ്രേതങ്ങളെയുമാണ് ആദിപുരുഷിന്റെ ടീസറില്‍ കാണാനായത്. കാര്‍ട്ടൂണ്‍ ലെവല്‍ വി.എഫ്.എക്‌സും ട്രോളുകള്‍ വിളിച്ചുവരുത്തി.
ഇതിന് പിന്നാലെ പ്രഭാസ് സംവിധായകന്‍ ഓം റൗട്ടിനെ റൂമിലേക്ക് വിളിക്കുന്ന വീഡിയോയും വൈറലാവുകയാണ്. വളരെ സീരിയസായി ‘ഓം എന്റെ റൂമിലേക്ക് ഒന്ന് വരൂ,’ എന്നാണ് പ്രഭാസ് വീഡിയോയില്‍ പറയുന്നത്. ടീസര്‍ കണ്ട് കലിപ്പിളകിയ പ്രഭാസ് സംവിധായകനെ പഞ്ഞിക്കിടാന്‍ വിളിക്കുകയാണെന്നാണ് സോഷ്യല്‍ മീഡിയയില്‍ ഇപ്പോള്‍ ട്രോളുകള്‍ വരുന്നത്.
