ഗില്ലോ വിരാടോ അല്ല; ഐ.പി.എല്‍ 2023ലെ പ്രിയ താരത്തെ തെരഞ്ഞെടുത്ത് എ.ബി.ഡിവില്ലിയേഴ്‌സ്
സ്പോര്‍ട്സ് ഡെസ്‌ക്
Tuesday, 30th May 2023, 11:59 pm
റോയല്‍ ചാലഞ്ചേഴ്‌സ് ബെംളൂരുവില്‍ കോഹ്ലിയുടെ സഹതാരമായിരുന്നു ദക്ഷണാഫ്രിക്കന്‍ താരമായിരുന്ന എ.ബി. ഡിവില്ലിയേഴ്‌സ്. ഇരുവരും തമ്മിലുള്ള സൗഹൃദം ക്രിക്കറ്റ് ലോകത്ത് സജീവ ചര്‍ച്ചയാണ്. 2023ലെ ഐ.പി.എല്ലിലും കോഹ്ലിയുടെ നേട്ടങ്ങള്‍ തന്റെ സോഷ്യല്‍ മീഡിയ അക്കൗണ്ടുകള്‍ വഴി എ.ബി. ഡിവില്ലിയേഴ്‌സ് ആഘോഷിച്ചിരുന്നു.
എന്നാല്‍, ഇന്ത്യന്‍ പ്രീമിയര്‍ ലീഗിന്റെ 2023 സീസണില്‍ മികച്ച താരത്തെ തെരഞ്ഞെടുക്കുമ്പോള്‍ തന്റെ സുഹൃത്ത് കോഹ്‌ലിയേയോ, ഗുജറാത്ത് ടൈറ്റന്‍സിന്റെ ശുഭ്മാന്‍ ഗില്ലിനേയോ നാട്ടുകാരനായി ഫാഫ് ഡു പ്ലെസിസ്‌നേയോ അല്ല എ.ബി.ഡി ചൂസ് ചെയ്യുന്നത്.
ഡിവില്ലിയേഴ്‌സിനെ സംബന്ധിച്ചിടത്തോളം രാജസ്ഥാന്‍ റോയല്‍സിന്റെ ഓപ്പണിങ് ബാറ്റര്‍ യശസ്വി ജയ്സ്വാളാണ് ഐ.പി.എല്‍ 2023ലെ മികച്ച താരം. ഐ.പി.എല്‍ ഫൈനലിന് പിന്നാലെ ജിയോ സിനിമയിലെ ഒരു ചാറ്റില്‍ സംസാരിക്കുകയായിരുന്നു എ.ബി.ഡി.
