അവരെന്താണ് ചെയ്യാന്‍ ഉദ്ദേശിക്കുന്നതെന്ന് അറിയില്ല; 83 യിലെ ദീപികയുടെ കഥാപാത്രത്തെ പറ്റി കപില്‍ ദേവ്
ഡൂള്‍ന്യൂസ് ഡെസ്‌ക്
Saturday, 4th December 2021, 9:29 am
ഇന്ത്യക്ക് ആദ്യ ക്രിക്കറ്റ് ലോകകപ്പ് നേടിതന്ന മുന്‍ ക്യാപ്റ്റന്‍ കപില്‍ ദേവിന്റെ ജീവിതം പറയുന്ന പുതിയ ചിത്രം 83 ക്ക് വേണ്ടിയുള്ള കാത്തിരിപ്പിലാണ് ആരാധകര്‍. കപില്‍ ദേവായി രണ്‍വീര്‍ സിങ് എത്തുമ്പോള്‍ കപിലിന്റെ ഭാര്യ റോമി ദേവായി അഭിനയിക്കുന്നത് ദീപിക പദുക്കോണാണ്.
എന്നാല്‍ ചിത്രത്തിന്റെ ട്രെയിലര്‍ പുറത്തിറങ്ങിയതിന് പിന്നാലെ ദീപികയുടെ സാന്നിധ്യമാണ് ഇപ്പോള്‍ ചര്‍ച്ചയാവുന്നത്. കപില്‍ ദേവിനും ദീപികയുടെ റോളിനെ പറ്റി കൗതുകമുണ്ട്.
’83 ല്‍ എന്റെ ഭാര്യയുടെ പങ്ക് എത്രയാണെന്ന് അറിയില്ല, അവരെന്താണ് ചെയ്യാന്‍ ഉദ്ദേശിക്കുന്നതെന്ന് മനസിലാവുന്നില്ല,’ കപില്‍ പറഞ്ഞു.
ക്വിന്റിന് നല്‍കിയ അഭിമുഖത്തിലാണ് കപില്‍ ചിത്രത്തെ പറ്റി പറഞ്ഞത്. അതേസമയം നായകനായ രണ്‍വീറിനെ കപില്‍ അഭിനന്ദിക്കുകയും ചെയ്തു.
