ജയ്പൂര്‍: രാജസ്ഥാനിലെ ഭില്‍വാരയില്‍ 24 കാരിയായ യുവതിയെ കല്യാണ ദിവസം നിര്‍ബന്ധിച്ച് ‘വെര്‍ജിനിറ്റി ടെസ്റ്റ്’ നടത്താന്‍ നിര്‍ബന്ധിച്ചതായി പരാതി.
യുവതിയെ ഈ പരിശോധനക്ക് വിധേയയാക്കുകയും അത് പരാജയപ്പെട്ടതിനെ തുടര്‍ന്ന് മര്‍ദിക്കുകയും 10 ലക്ഷം രൂപ നല്‍കാന്‍ കുടുംബത്തോട് ആവശ്യപ്പെട്ട് ക്ഷേത്ര കമ്മിറ്റിയുടെ നേതൃത്വല്‍ പഞ്ചായത്ത് വിളിച്ചതായും സംഭവത്തിനിരയായ യുവതി പരാതിയില്‍ പറയുന്നു.
ഭര്‍ത്തവിനും കുടുംബത്തിനുമെതിരായാണ് യുവതിയുടെ പരാതി. ഭല്‍വാരയില്‍വെച്ച് മെയ് 11ന് വിവാഹത്തിന്റെ ആദ്യ ദിവസം തന്നെ ‘വെര്‍ജെനിറ്റി ടെസ്റ്റിന്’ വിധേയയാക്കിയെന്ന് യുവതി ആരോപിക്കുന്നു.
മെയ് 31നാണ് ഒരു പ്രാദേശിക ക്ഷേത്രത്തില്‍ വെച്ച് പഞ്ചായത്ത് വിളിച്ചുചേര്‍ത്തത്. വിവാഹത്തിന് മുമ്പ് അയല്‍വാസി നിന്ന് ബലാത്സംഗത്തിന് ഇരയായതായ കാര്യം യുവതി ഭര്‍ത്താവിനോട് പറഞ്ഞതാണ് ഇങ്ങനെയൊരു വിചിത്ര പരിശോധനക്ക് വിധേയമാക്കിതെന്നാണ് റിപ്പോര്‍ട്ടുകള്‍.
