ലോകകപ്പിന്റെ 32 വര്‍ഷത്തെ ചരിത്രത്തിലെ ഏറ്റവും കുറഞ്ഞ നിരക്കാണ് ഇതെന്നാണ് റിപ്പോര്‍ട്ട്. 1990ല്‍ ഇറ്റലിയില്‍ നടന്ന ലോകകപ്പിന് ശേഷമുള്ള ഏറ്റവും കുറഞ്ഞ നിരക്കാണിത്.
ബുധനാഴ്ച ഉച്ചക്ക് ഒരു മണി മുതലാണ് ബുക്കിങ് ആരംഭിച്ചത്. ഇന്ത്യന്‍ സമയം ഉച്ചതിരിഞ്ഞ് 3:30 മുതല്‍ ടിക്കറ്റുകള്‍ ബുക്ക് ചെയ്യാം.
ഖത്തറിലെ താമസരേഖ ഹാജരാക്കുന്ന പക്ഷം 40 റിയാലിന് ടിക്കറ്റ് ലഭിക്കും. കാറ്റഗറി-നാല് വിഭാഗത്തില്‍പ്പെട്ട ടിക്കറ്റുകളായിരിക്കും ഇത്.
അതേസമയം ഫൈനല്‍ മാച്ചിന്റെ ടിക്കറ്റിന് 5850 റിയാല്‍ (ഒരു ലക്ഷം രൂപക്ക് മുകളില്‍) വരെയാണ് ഈടാക്കുന്നത്.
കാറ്റഗറി-മൂന്നില്‍ ഉള്‍പ്പെടുന്ന ടിക്കറ്റുകള്‍ 250 ഖത്തറി റിയാലിനും (69 ഡോളര്‍) ലഭിക്കും. റഷ്യയില്‍ നടന്ന ലോകകപ്പിലെ ടിക്കറ്റ് നിരക്കുമായി താരതമ്യം ചെയ്യുമ്പോള്‍ മൂന്നിലൊന്ന് നിരക്ക് മാത്രമാണ് ഖത്തറിലേത് എന്നാണ് റിപ്പോര്‍ട്ടുകല്‍ സൂചിപ്പിക്കുന്നത്.
