ഹ​രാ​രെ: വീശിയടിച്ച ഇ​ദാ​യ് ചു​ഴ​ലി​ക്കാ​റ്റി​ൽ സിം​ബാ​ബ്‌​വേ​യി​ലും തൊട്ടടുത്ത രാജ്യമായ മൊ​സാം​ബി​ക്കി​ലു​മാ​യി 120ൽ കൂടുതൽ പേ​ർ മ​രി​ച്ചു. നൂറിൽ കൂടുതൽ പേരെ കാണാതാവുകയും ചെയ്തു. ചുഴലിക്കാറ്റ് രൂക്ഷമായതിനോടനുബന്ധിച്ച് പേമാരിയും വെ​ള്ള​പ്പൊ​ക്ക​വു​മു​ണ്ടാ​യി. ദുരന്തത്തിൽ നിരവധി വീടുകളും മരങ്ങളും നശിക്കുകയും വൻതോതിൽ കൃഷിനാശം സംഭവിക്കുകയും ചെയ്തു.

Also Read പരീക്കറുടെ മരണത്തിനു പിന്നാലെ ഗോവയില്‍ അടിയന്തര യോഗം വിളിച്ച് ബി.ജെ.പിയും കോണ്‍ഗ്രസും

വ്യാഴാഴ്ച വൈകുന്നേരമാണ് പ്രദേശത്ത് ചുഴലിക്കാറ്റിന്റെ ആക്രമണമുണ്ടായത്. ഇതിനെ തുടർന്ന് മൊ​സാം​ബി​ക് മേ​ഖ​ല​യി​ൽ ഉ​രു​ൾ​പ്പൊ​ട്ട​ലും മ​ണ്ണി​ടി​ച്ചി​ലും ശ​ക്ത​മാ​യി. പിന്നീട് ചുഴലിക്കാറ്റ് മ​ലാ​വി​യി​ലേ​ക്കും സിം​ബാ​ബ്‌​വേ​യി​ലേ​ക്കും നീ​ങ്ങു​ക​യാ​യി​രു​ന്നു. സിം​ബാ​ബ്‌​വേ​യി​ൽ 65 പേ​രും മൊ​സാം​ബി​ക്കി​ൽ 62 പേ​രു​മാ​ണ് മ​രി​ച്ച​ത്. അനവധി പേർക്ക് പരിക്കും ഏറ്റിട്ടുണ്ട്.

Also Read താങ്കള്‍ കാവല്‍ക്കാരനാണെങ്കില്‍ പറയൂ, എന്റെ മകന്‍ നജീബ് എവിടെ ? മോദിയോട് ഫാത്തിമ നഫീസ്

15 ല​ക്ഷ​ത്തോ​ളം പേ​രെ ചു​ഴ​ലി​ക്കാ​റ്റ് ബാ​ധി​ച്ചു​വെ​ന്ന് ഐക്യരാഷ്ട്രസഭയും സ​ര്‍​ക്കാ​രും കണക്കാക്കുന്നു. മഴയും കാറ്റും ശക്തമായി തുടരുന്നതിനാൽ രക്ഷാപ്രവർത്തനം നടത്തുക എന്നത് ദുഷ്ക്കരമാണ്. സിംബാബ്‌വെൻ സൈന്യമാണ് രക്ഷാപ്രവർത്തനങ്ങൾക്ക് ചുക്കാൻ പിടിക്കുന്നത്.