ചെറുപ്പക്കാരേ, നിങ്ങള്‍ അജയ്യരല്ല, ഈ വൈറസ് നിങ്ങളെയും ആശുപത്രിക്കിടക്കയില്‍ എത്തിച്ചേക്കാം; കൊവിഡ് ചെറുപ്പക്കാരുടെ മരണത്തിനും ഇടയാക്കിയേക്കാമെന്ന് ഡബ്ലു.എച്ച്.ഒ തലവന്‍
ഡൂള്‍ന്യൂസ് ഡെസ്‌ക്
Saturday, 21st March 2020, 8:51 am
ജനീവ: കൊവിഡ് 19 മൂലം ചെറുപ്പക്കാരും മരണപ്പെടാന്‍ സാധ്യതയുണ്ടെന്ന് ലോകാരോഗ്യ സംഘടനാതലവന്‍ ടെഡ്രോസ് അദാനോം ഗെബ്രിയേസസ്. കൊവിഡ് 19 വൃദ്ധജനങ്ങളുടെ മരണത്തിന് മാത്രമേ ഇടയാക്കുവെന്നും ചെറുപ്പക്കാരെ ബാധിക്കില്ലെന്നും തരത്തിലുള്ള പ്രചരണങ്ങള്‍ ശക്തിപ്പെടുന്ന സാഹചര്യത്തിലാണ് ചെറുപ്പക്കാരുടെ മരണത്തിനും കൊവിഡ് കാരണമായേക്കാമെന്ന് ഗെബ്രിയേസസ് വ്യക്തമാക്കിയത്.
വൃദ്ധ ജനങ്ങളെയാണ് വൈറസ് ഗുരുതരമായി ബാധിച്ചേക്കാവുന്നതെങ്കിലും ചെറുപ്പക്കാരെ മാറ്റിനിര്‍ത്താന്‍ സാധിക്കില്ലെന്നും അദ്ദേഹം പറഞ്ഞു.
” എനിക്ക് ചെറുപ്പക്കാരായ ആളുകളോട് ഒരു കാര്യം പറയാനുണ്ട്. നിങ്ങള്‍ അജയ്യരല്ല. ഈ വയറസ് നിങ്ങളെ ആഴ്ചകളോളം ആശുപത്രിയില്‍ കിടത്തിയേക്കാം, അല്ലെങ്കില്‍ ഒരുപക്ഷേ നിങ്ങളുടെ മരണത്തിന് തന്നെ ഇടയാക്കിയേക്കാം,” അദ്ദേഹം പറഞ്ഞു.
