യു.പിയില്‍ യോഗിക്ക് എതിര് നില്‍ക്കാന്‍ അഖിലേഷ് യാദവില്ല; ഇത്തവണ മത്സരിക്കില്ലെന്ന് പ്രഖ്യാപനം
ഡൂള്‍ന്യൂസ് ഡെസ്‌ക്
Monday, 1st November 2021, 3:40 pm
ലഖ്‌നൗ: അടുത്ത വര്‍ഷം നടക്കാനിരിക്കുന്ന യു.പി തെരഞ്ഞെടുപ്പില്‍ മത്സരിക്കാനില്ലെന്ന് സമാജ് വാദി പാര്‍ട്ടി അധ്യക്ഷന്‍ അഖിലേഷ് യാദവ്. തിങ്കളാഴ്ചയാണ് അദ്ദേഹം തന്റെ തീരുമാനം പ്രഖ്യാപിച്ചത്.
തെരഞ്ഞെടുപ്പില്‍ രാഷ്ട്രീയ ലോക് ദളുമായുള്ള സഖ്യത്തെക്കുറിച്ചും അഖിലേഷ് യാദവ് വ്യക്തത വരുത്തി. ആര്‍.എല്‍.ഡിയുമായുള്ള സഖ്യത്തില്‍ അന്തിമ തീരുമാനത്തില്‍ എത്തിയെന്ന് അദ്ദേഹം പറഞ്ഞു.
” ആര്‍.എല്‍.ഡിയുമായുള്ള സഖ്യത്തില്‍ അന്തിമ ധാരണയായി. സീറ്റ് പങ്കിടുന്നതില്‍ തീരുമാനത്തില്‍ എത്തണം,” അദ്ദേഹം പറഞ്ഞു.
നിയമസഭാ തെരഞ്ഞെടുപ്പില്‍ എസ്.പിയുടെ മുഖ്യമന്ത്രി മുഖമായി ആയിരുന്നു അഖിലേഷ് യാദവിനെ വിലയിരുത്തിയിരുന്നത്. അത്തരം ഒരു സാഹചര്യത്തിലാണ് അദ്ദേഹത്തിന്റെ തീരുമാനം.
