ഹരിയാനയിലും പൗരത്വ പട്ടിക കൊണ്ടു വരുമെന്ന് മുഖ്യമന്ത്രി മനോഹര്‍ ലാല്‍ ഖട്ടര്‍
ഡൂള്‍ന്യൂസ് ഡെസ്‌ക്
Sunday, 15th September 2019, 8:42 pm
ചണ്ഡീഗഢ്: അസമിലേത് പോലെ കുടിയേറ്റക്കാരെ കണ്ടെത്താനായി ഹരിയാനയിലും പൗരത്വ പട്ടിക കൊണ്ടു വരുമെന്ന് ഹരിയാന മുഖ്യമന്ത്രി മനോഹര്‍ ലാല്‍ ഖട്ടര്‍. നേവി ചീഫ് അഡ്മിറല്‍ സുനില്‍ ലാന്‍ബ, ഹൈക്കോടതി മുന്‍ ജഡ്ജി എച്ച്.എസ് ഭല്ല എന്നിവരുമായി കൂടിക്കാഴ്ച നടത്തിയ ശേഷമാണ് ഖട്ടാറിന്റെ പ്രഖ്യാപനം.
ജസ്റ്റിസ് ഭല്ല ഇക്കാര്യത്തില്‍ ഹരിയാനയെ സഹായിക്കുമെന്ന് ഖട്ടര്‍ പറഞ്ഞു. ‘ജസ്റ്റിസ് ഭല്ല ഉടന്‍ അസമില്‍ സന്ദര്‍ശനം നടത്തുന്നുണ്ട്. ഹരിയാനയില്‍ എന്‍.ആര്‍.സി നടപ്പിലാക്കുന്നതിനായി ഭല്ല നമ്മളെ സഹായിക്കും’ ഖട്ടര്‍ പറഞ്ഞു.
