എല്ലാത്തിനും നെഹ്‌റു കുടുംബത്തിന്റെ പേരുനല്‍കേണ്ട ആവശ്യമെന്തെന്ന് ബി.ജെ.പി എം.പി; രാജീവ് ഗാന്ധിയുടെ പേര് മാറ്റാന്‍ വീണ്ടും ആവശ്യം
ഡൂള്‍ന്യൂസ് ഡെസ്‌ക്
Friday, 3rd September 2021, 10:07 pm
ന്യൂദല്‍ഹി: രാജീവ് ഗാന്ധി നഗര്‍ഹോള്‍ നാഷണല്‍ പാര്‍ക്കിന്റെ പേര് മാറ്റണമെന്ന ആവശ്യവുമായി
ബി.ജെ.പി എം.പി പ്രതാപ് സിംഹ.
രാജീവ് ഗാന്ധി നഗര്‍ഹോള്‍ നാഷണല്‍ പാര്‍ക്ക് എന്നത് പുനര്‍നാമകരണം ചെയ്ത് ഇന്ത്യന്‍ ആര്‍മിയുടെ ആദ്യ കമാന്‍ഡര്‍ ഇന്‍ ചീഫ് ഫീല്‍ഡ് മാര്‍ഷല്‍ കെ.എം. കരിയപ്പയുടെ പേര് നല്‍കണമെന്നാണ് എം.പി ആവശ്യപ്പെട്ടത്.
ഒരു നഗരത്തിന്റെയോ സ്ഥലത്തിന്റെയോ റോഡിന്റെയോ പേരിന് ചില പ്രാധാന്യമുണ്ടെന്നും തദ്ദേശവാസികള്‍ അതുമായി ബന്ധപ്പെടുത്താന്‍ കഴിയണമെന്നും സിംഹ പറഞ്ഞു.
”രാജീവ് ഗാന്ധിക്കും നഗര്‍ഹോളെ നാഷണല്‍ പാര്‍ക്കിനും തമ്മില്‍ എന്താണ് ബന്ധം? ഞാന്‍ ഫീല്‍ഡ് മാര്‍ഷല്‍ കരിയപ്പയുടെ പേര് നിര്‍ദ്ദേശിച്ചിട്ടുണ്ട്. അദ്ദേഹം ഏറ്റവും പ്രശസ്തനായ സൈനിക ഉദ്യോഗസ്ഥനായിരുന്നു,” സിംഹ പറഞ്ഞു.
