പാകിസ്ഥാനിലും ഹിറ്റായി വിജയ്‌യുടെ 'വാത്തി കമിംഗ്'; അനിരുദ്ധിന് അഭിനന്ദനവുമായി ട്വീറ്റ്
എന്റര്‍ടെയിന്‍മെന്റ് ഡെസ്‌ക്
Thursday, 24th June 2021, 7:33 pm
ചെന്നൈ: വിജയ് ചിത്രങ്ങളെ പോലെ തന്നെ ചിത്രത്തിലെ ഗാനങ്ങളും എക്കാലത്തെയും ഹിറ്റുകളാവാറുണ്ട്. വിജയ്‌യുടെ അവസാനമായി തിയേറ്ററുകളില്‍ എത്തിയ മാസ്റ്ററിലെ ഗാനങ്ങളും ഇപ്പോഴും ചാര്‍ട്ട് ബെസ്റ്റ് ആണ്.
ചിത്രത്തിലെ വാത്തി കമിംഗ് എന്ന ഗാനം ഏറെ ഹിറ്റായിരുന്നു. യുട്യൂബില്‍ ഇതിനോടകം 200 ദശലക്ഷം കാഴ്ച്ചക്കാരാണ് ഗാനത്തിന് ഉണ്ടായത്. ഇപ്പോഴിതാ ഗാനം പാക്കിസ്ഥാനിലും ഹിറ്റാണെന്നാണ് സോഷ്യല്‍ മീഡിയ പറയുന്നത്.
വാത്തി കമിംഗ് കേട്ട് ആരാധകനായ ഒരു പാകിസ്ഥാനി സ്വദേശി ഗാനത്തിന്റെ സംഗീത സംവിധായകന്‍ അനിരുദ്ധിനെ അഭിനന്ദിച്ച് ഇപ്പോള്‍ രംഗത്ത് എത്തിയിരിക്കുകയാണ്.
‘വാത്തി കമിംഗ്’ എന്ന തമിഴ് വരികള്‍ മനസിലാക്കാന്‍ കഴിയുന്നില്ലെങ്കിലും , അനിരുദ്ധ് രവിചന്ദറിന്റെ സംഗീതം തന്നെ ഏറെ ആകര്‍ഷിച്ചുവെന്നാണ് ഡിജെ അദീല്‍ഖാന്‍ എന്ന വ്യക്തി ട്വീറ്റ് ചെയ്തത്.
