വാഷിംഗ്ടണ്‍: ടിക് ടോക് അടക്കം 59 ചൈനീസ് ആപ്പുകള്‍ നിരോധിക്കാനുള്ള ഇന്ത്യയുടെ തീരുമാനത്തെ സ്വാഗതം ചെയ്ത് അമേരിക്ക. ഈ തീരുമാനത്തോടെ ഇന്ത്യയുടെ അഖണ്ഡതയും സുരക്ഷയും സംരക്ഷിക്കപ്പെടുമെന്ന് യു.എസ് സെക്രട്ടറി മൈക് പോംപിയോ പറഞ്ഞു.
‘ഇത് ഇന്ത്യയുടെ പരമാധികാരവും അഖണ്ഡതയും ദേശീയ സുരക്ഷയും വര്‍ധിപ്പിക്കുന്ന തീരുമാനമാണ്’, പോംപിയോ പറഞ്ഞു.
Just In:
US Secy of State Mike Pompeo on #ChineseAppsBanned :
“We welcome India’s ban on certain mobile apps that can serve as appendages of CCP’s surveillance state. India’s clean app approach will boost India’s sovereignty, integrity and national security.”@IndianExpress
— Shubhajit Roy (@ShubhajitRoy) July 1, 2020
നേരത്തെ രാജ്യസുരക്ഷയ്ക്ക് ഭീഷണിയാണെന്ന് ചൂണ്ടിക്കാട്ടി ഹുവായി, ZTE എന്നീ ചൈനീസ് കമ്പനികള്‍ക്ക് അമേരിക്ക വിലക്കേര്‍പ്പെടുത്തിയിരുന്നു. ചൈനീസ് സൈനിക, രഹസ്യാന്വേഷണ സര്‍വ്വീസുമായി ബന്ധമുണ്ടെന്ന് ആരോപിച്ച് യൂണിവേഴ്സല്‍ സര്‍വീസ് ഫണ്ടിനു കീഴിലുള്ള പദ്ധതികളുടെ വിതരണത്തില്‍ നിന്നും കമ്പനികള്‍ക്ക് വിലക്ക് ഏര്‍പ്പെടുത്തുകയും ചെയ്തു.
യു.എസ് ഫെഡറല്‍ കമ്മ്യൂണിക്കേഷന്‍ കമ്മീഷനാണ് കമ്പനികള്‍ക്ക് നിരോധനം ഏര്‍പ്പെടുത്തിയ കാര്യം അറിയിച്ചത്.
