കോളേജിലും മോഹന്‍ലാല്‍ മമ്മൂട്ടി ഫാന്‍ ഫൈറ്റ് ഉണ്ടായിരുന്നു, ഞാന്‍ അദ്ദേഹത്തിന്റെ ഫാനായിരുന്നു; ഉണ്ണിമായ പ്രസാദ് പറയുന്നു
എന്റര്‍ടെയിന്‍മെന്റ് ഡെസ്‌ക്
Monday, 24th May 2021, 7:34 pm
കൊച്ചി: തിരുവനന്തപുരം സി.ഇ.ടി.എന്‍ജിനീയറിങ്ങ് കോളേജില്‍ പഠിക്കുന്ന കാലത്തെ അനുഭവങ്ങള്‍ തുറന്നു പറയുകയാണ് നടി ഉണ്ണിമായ പ്രസാദ്. സിനിമ ഇഷ്ടപ്പെടുന്ന കുറേ കൂട്ടുകാരെ തനിക്ക് കിട്ടിയത് സി.ഇ.ടിയില്‍ നിന്നാണെന്ന് ഗൃഹലക്ഷ്മിക്ക് നല്‍കിയ അഭിമുഖത്തില്‍ ഉണ്ണിമായ പറയുന്നു.
ലാപ്പ്‌ടോപ്പില്‍ പെന്‍ഡ്രൈവ് ഇട്ട് എന്നും സിനിമ കാണുമായിരുന്നുവെന്നും അജീഷ് എന്നൊരു കടുത്ത സിനിമാപ്രേമിയായ സുഹൃത്ത് തനിക്കുണ്ടായിരുന്നുവെന്നും നടി ഓര്‍ക്കുന്നു.
അജീഷാണ് ലോകസിനിമകളെ പരിചയപ്പെടുത്തിയത്. അകിരൊ കുറസോവയെക്കുറിച്ച് കേള്‍ക്കുന്നതും അദ്ദേഹത്തിന്റെ സിനിമകള്‍ കാണുന്നതുമെല്ലാം അജീഷിലൂടെയാണ്. ഉണ്ണിമായ പറഞ്ഞു.
കോളേജില്‍ സജീവമായി ഉണ്ടായിരുന്ന ഫാന്‍ ഫൈറ്റുകളെപ്പറ്റിയും അഭിമുഖത്തില്‍ ഉണ്ണിമായ മനസ്സു തുറന്നു.
