ജെ.എന്‍.യു ആക്രമിക്കുമെന്ന് ഭീഷണി; വിശ്വഹിന്ദു പരിഷത്തുമായി ബന്ധമുള്ള പ്രതി പിടിയില്‍
ഡൂള്‍ന്യൂസ് ഡെസ്‌ക്
Sunday, 15th August 2021, 5:18 pm
ന്യൂദല്‍ഹി: സ്വാതന്ത്ര്യദിനത്തില്‍ ജെ.എന്‍.യു ആക്രമിക്കുമെന്ന് ഭീഷണിമുഴക്കിയ രണ്ട് പേരെ പൊലീസ് അറസ്റ്റ് ചെയ്തു.
വികാസ് ഷെരാവത്ത്, രാജകുമാര്‍ എന്നിവരെയാണ് പൊലീസ് അറസ്റ്റ് ചെയ്തത്. ഫേസ്ബുക്കില്‍ അപ്ലോഡ് ചെയ്ത വീഡിയോയിലാണ് ഇവര്‍ ഭീഷണി മുഴക്കിയത്.
ഇതില്‍ വികാസ് ഷെരാവത്തിനെതിരെ നേരത്തെയും പൊലീസ് കേസുകള്‍ ഉണ്ടായിട്ടുണ്ട്. ദല്‍ഹി കോണ്‍ഗ്രസ് നേതാവ് അല്‍ക്ക ലാംബയെ ഭീഷണിപ്പെടുത്തിയതിനും തെറിവിളിച്ചതിനുമാണ് ഇയാളെ നേരത്തെ പൊലീസ് പിടികൂടിയത്.
2018 മുതല്‍ താന്‍ വിശ്വഹിന്ദു പരിഷത്തുമായി ബന്ധപ്പെട്ട് പ്രവര്‍ത്തിക്കുകയാണെന്ന് ഇയാള്‍ പൊലീസിനോട് പറഞ്ഞു. രാജകുമാറിന്റെ ഫോണില്‍ നിന്നാണ് ഭീഷണി വീഡിയോ അപ്ലോഡ് ചെയ്തത്. ഇവര്‍ക്ക് ജെ.എന്‍.യുവുമായി ബന്ധമില്ലെന്നും പൊലീസ് പറഞ്ഞു.
