തമിഴ്നാട് ബി.ജെ.പി അധ്യക്ഷന്‍ മത്സരിക്കുന്ന മണ്ഡലത്തിലെ എതിര്‍ സ്ഥാനാര്‍ത്ഥികളുടെ വീടുകളില്‍ ആദായനികുതി വകുപ്പ് പരിശോധന
ഡൂള്‍ന്യൂസ് ഡെസ്‌ക്
Wednesday, 17th March 2021, 11:55 pm
ചെന്നൈ: തമിഴ്‌നാട്ടിലെ പ്രതിപക്ഷ പാര്‍ട്ടി സ്ഥാനാര്‍ത്ഥികളുടെ വീടുകളിലും ഓഫീസുകളിലും ആദായനികുതി വകുപ്പിന്റെ പരിശോധന. തിരുപ്പൂരിലെ ധരാപുരം നിയോജകമണ്ഡലത്തിലെ ഡി.എം.കെ, എം.ഡി.എം.കെ. എം.എന്‍.എം തുടങ്ങിയ പാര്‍ട്ടികളുടെ സ്ഥാനാര്‍ത്ഥികളുടെയും നേതാക്കളുടെയും വസതികളിലാണ് ആദായനികുതി വകുപ്പ് പരിശോധന നടത്തുന്നത്.
വൈകീട്ട് 4.30 മുതലാണ് പരിശോധന ആരംഭിച്ചത്. ബി.ജെ.പിയാണ് മണ്ഡലത്തില്‍ മത്സരിക്കുന്നത്. ബി.ജെ.പിയുടെ തമിഴ്നാട് അധ്യക്ഷന്‍ എല്‍. മുരുകനാണ് ധാരാപുരത്തെ സ്ഥാനാര്‍ത്ഥി.
ഡി.എം.കെയുടെ ധരംപുരം ടൗണ്‍ സെക്രട്ടറി കെ.എസ് ധനശേഖര്‍, എം.ഡി.എം.കെയുടെ ജില്ലാ ജോയിന്റ് സെക്രട്ടറിയും വ്യവസായിയുമായ കവിന്‍ നാഗരാജ് എന്നിവരുടെയും വീടുകളിലും പരിശോധന നടക്കുന്നുണ്ട്.
