പതിമൂന്നുകാരിയെ പീഡിപ്പിച്ചു; അമ്മയുടെ സുഹൃത്ത് അറസ്റ്റില്‍
ഡൂള്‍ന്യൂസ് ഡെസ്‌ക്
Sunday, 13th March 2022, 7:47 am
റാന്നി: പത്തനംതിട്ട റാന്നിയില്‍ പതിമൂന്ന് വയസുകാരിയെ പീഡിപ്പിച്ച കേസില്‍ പെണ്‍കുട്ടിയുടെ അമ്മയുടെ സുഹൃത്തിനെ അറസ്റ്റ് ചെയ്തു. റാന്നി സ്വദേശി ഷിജുവാണ് അറസ്റ്റിലായത്.
പിതാവ് ഉപേക്ഷിച്ചതിന് ശേഷം പെണ്‍കുട്ടിയും അമ്മയും രണ്ട് സഹോദരിമാരും വാടകവീട്ടിലാണ് താമസം. കഴിഞ്ഞ നാല് വര്‍ഷത്തോളമായി ഷിജു ഇവരുടെ വീട്ടിലെത്താറുണ്ടെന്ന് പെണ്‍കുട്ടി പൊലീസിനോട് പറഞ്ഞു.
കൂലിപ്പണിക്കാരിയായ അമ്മ ജോലിക്ക് പോയി കഴിഞ്ഞ് പെണ്‍കുട്ടി ഒറ്റക്കാവുന്ന സമയത്ത് ഇയാള്‍ വീട്ടിലെത്താറുണ്ടായിരുന്നു. ഫെബ്രുവരി 27ന് അമ്മ വീട്ടിലില്ലാതിരുന്ന സമയത്ത് ഇയാള്‍ പെണ്‍കുട്ടിയെ പീഡിപ്പിക്കാന്‍ ശ്രമിച്ചിരുന്നു. പിന്നീട് ഇക്കഴിഞ്ഞ 8ന് ഷിജു വീണ്ടും പെണ്‍കുട്ടിയെ കടന്നുപിടിച്ചു.
