ടിപ്പുവിന്റെ സിംഹാസനവും മോശയുടെ അംശ വടിയും നിര്‍മ്മിച്ചത് ചേര്‍ത്തലയിലെ ആശാരി; മോന്സന് വിദേശത്ത് അക്കൗണ്ടില്ലെന്ന് ക്രൈം ബ്രാഞ്ച്
ഡൂള്‍ന്യൂസ് ഡെസ്‌ക്
Sunday, 26th September 2021, 3:37 pm
കൊച്ചി: ആളുകളെ കബളിപ്പിച്ച് കോടികളുടെ തട്ടിപ്പ് നടത്തിയ യൂട്യൂബര്‍ മോന്സന് പക്കലുള്ള പുരാവസ്തുക്കള്‍ നിര്‍മ്മിച്ചത് ചേര്‍ത്തലയിലെ ആശാരി. ക്രൈം ബ്രാഞ്ചിന്റേതാണ് ഈ കണ്ടെത്തല്‍.
ടിപ്പു സുല്‍ത്താന്റെ സിംഹാസനം, മോശയുടെ അംശ വടി തുടങ്ങിയവ തന്റെ പക്കല്‍ ശേഖരമായുണ്ടെന്നായിരുന്നു മോന്‍സന്റെ അവകാശ വാദം. ഈ വസ്തുക്കളെല്ലാം നിര്‍മ്മിച്ചത് ചേര്‍ത്തലയിലുള്ള ആശാരിയാണെന്നാണ് ക്രൈം ബ്രാഞ്ച് കണ്ടെത്തല്‍.
കൊച്ചി സ്വദേശിയാണ് മോന്സന് മാവുങ്കല്‍. പുരാവസ്തു വില്‍പ്പനയുടെ ഭാഗമായി തനിക്ക് രണ്ട് ലക്ഷത്തി അറുപതിനായിരം കോടി രൂപ രാജകുടുംബത്തില്‍ നിന്നടക്കം എത്തിയെന്ന് വിശ്വസിപ്പിച്ച് വിവിധ ആളുകളില്‍ നിന്ന് കോടികള്‍ കടം വാങ്ങിയായിരുന്നു തട്ടിപ്പ്.
തനിക്ക് കോസ്മറ്റോളജിയില്‍ ഡോക്ടറേറ്റ് ഉണ്ടെന്നും ഇയാള്‍ അവകാശപ്പെട്ടിരുന്നു.
