ബാഷാ മോഡലില്‍ ദളപതി 67; 40ന് മുകളിലുള്ള ഗാങ്സ്റ്ററാവാന്‍ വിജയ്
എന്റര്‍ടെയിന്‍മെന്റ് ഡെസ്‌ക്
Saturday, 18th June 2022, 3:11 pm
വിക്രത്തിന്റെ വമ്പന്‍ വിജയത്തിന് ശേഷം ലോകേഷ് കനകരാജും വിജയും ഒന്നിക്കുന്ന പുതിയ ചിത്രത്തിനായി കാത്തിരിക്കുകയാണ് ആരാധകര്‍. മാസ്റ്ററിന് ശേഷം വിജയും ലോകേഷും ഒന്നിക്കുന്ന സിനിമയുടെ പുതിയ വിവരങ്ങളെല്ലാം ആവേശത്തോടെയാണ് പ്രേക്ഷകര്‍ ഏറ്റെടുക്കുന്നത്. ചിത്രം ഈ വര്‍ഷം അവസാനം തന്നെ റിലീസ് ചെയ്യുമെന്നാണ് പ്രതീക്ഷിക്കപ്പെടുന്നത്. ചിത്രത്തില്‍ ഒരു ഗാങ്സ്റ്റര്‍ ആയിട്ടായിരിക്കും വിജയ് എത്തുക.
അദ്ദേഹത്തിന്റെ യഥാര്‍ത്ഥ പ്രായത്തിനോട് ചേര്‍ന്ന് നില്‍ക്കുന്ന കഥാപാത്രമായിരിക്കും ഇത്. ദളപതി 67ല്‍ 40കളിലെ ഗാങ്സ്റ്റര്‍ കഥാപാത്രത്തെ വിജയ് അവതരിപ്പിക്കുമെന്ന് പിങ്ക്‌വില്ല റിപ്പോര്‍ട്ട് ചെയ്യുന്നു. ചിത്രത്തില്‍ നായകന്റെ ചെറുപ്പകാലം കാണിക്കുന്നുണ്ടെങ്കിലും ഭൂരിഭാഗം സമയവും 40കളിലെ നായകന്‍ തന്നെയായിരിക്കും വരുന്നത്.
