'തീവ്രവാദം + കൊറോണ = ഇന്ത്യയുടെ പുതിയ പ്രശ്‌നം'; തബ്‌ലീഗ് ജമാഅത്തിനെതിരെ വീഡിയോ; വിവാദ യുട്യൂബര്‍ വീണ്ടും അറസ്റ്റില്‍
ഡൂള്‍ന്യൂസ് ഡെസ്‌ക്
Thursday, 16th December 2021, 3:41 pm
ന്യൂദല്‍ഹി: വിവാദ യുട്യൂബര്‍ മാരിദാസ് വീണ്ടും അറസ്റ്റില്‍. തബ് ലീഗ് ജമാഅത്തിനെതിരെയുള്ള വീഡിയോയുടെ പേരിലാണ് ഇയാളെ അറസ്റ്റ് ചെയ്തത്.
തിരുനെല്‍വേലി ജില്ലയിലെ രാഷ്ട്രീയപ്രവര്‍ത്തകന്‍ ഖാദര്‍ മീരന്‍ 2020 ഏപ്രില്‍ 4 ന് നല്‍കിയ പരാതിയിലാണ് മാരിദാസിന്റെ അറസ്റ്റ്. ‘തീവ്രവാദം + കൊറോണ = ഇന്ത്യയുടെ പുതിയ പ്രശ്‌നം/തബ് ലീഗ് ജമാഅത്ത്’ എന്ന തലക്കെട്ടിലുള്ള മാരിദാസിന്റെ യൂട്യൂബ് വീഡിയോ പോസ്റ്റിനെതിരെയാണ് മീരന്‍ പൊലീസിനെ സമീപിച്ചത്.
തബ്‌ലീഗ് ജമാഅത്തില്‍ പങ്കെടുത്ത മുസ്‌ലിങ്ങളെ ഭീകരവാദികളായാണ് മാരിദാസ് ചിത്രീകരിച്ചതെന്നും കൊവിഡ് 19 വ്യാപിപ്പിക്കലാണ് അവരുടെ ലക്ഷ്യമെന്ന് പ്രചരിപ്പിക്കാന്‍ ശ്രമിച്ചെന്നും മീരന്‍ ആരോപിച്ചു.
