മുസ്‌ലീങ്ങള്‍ക്കെതിരെ വിദ്വേഷ പ്രസംഗം; ബി.ജെ.പി തമിഴ്‌നാട് പ്രവര്‍ത്തക സമിതി അംഗത്തെ ഗുണ്ടാ ആക്ട് ചുമത്തി അറസ്റ്റ് ചെയ്തു
ഡൂള്‍ന്യൂസ് ഡെസ്‌ക്
Friday, 12th February 2021, 5:40 pm
ചെന്നൈ: തമിഴ്‌നാട്ടിലെ സംസ്ഥാന ബി.ജെ.പി പ്രവര്‍ത്തക സമിതി അംഗം ആര്‍. കല്യാണരാമനെ ഗുണ്ടാ ആക്ടില്‍ അറസ്റ്റ് ചെയ്തു. കോയമ്പത്തൂര്‍ കളക്ടര്‍ കെ. രാജാമണിയുടെ ഉത്തരവിനെ തുടര്‍ന്നാണ് അറസ്റ്റ് ചെയ്തത്.
പൊതുജനങ്ങളുടെ ക്രമസമാധാനത്തിന് തടസം നില്‍ക്കുന്ന പ്രവര്‍ത്തികള്‍ ചെയ്യുന്നുവെന്ന് ചൂണ്ടിക്കാണിച്ചാണ് നടപടി. ജനുവരി 31 ന് കോയമ്പത്തൂരിന് സമീപമുള്ള മേട്ടുപാളയത്ത് നടന്ന പൊതുയോഗത്തില്‍ മുസ്‌ലീങ്ങള്‍ക്കെതിരെ ഇയാള്‍ വിദ്വേഷപരമായി സംസാരിച്ചിരുന്നു.
