'ഉത്തരേന്ത്യ അല്ല കേരളം'; പാലക്കാട്ട് പൊലീസും സേവാഭാരതിയും ചേര്‍ന്ന് വാഹന പരിശോധന നടത്തിയെന്ന് പരാതി
ഡൂള്‍ന്യൂസ് ഡെസ്‌ക്
Monday, 10th May 2021, 3:11 pm
പാലക്കാട്: പാലക്കാട് സേവാഭാരതി പ്രവര്‍ത്തകരും പൊലീസും ചേര്‍ന്ന് വാഹന പരിശോധന നടത്തുന്നുവെന്ന് പരാതി. പാലക്കാട് കാടാംകോടാണ് സേവാഭാരതി എന്നെഴുതിയ ടീഷര്‍ട്ട് ധരിച്ച് ഒരു വിഭാഗം പ്രവര്‍ത്തകര്‍ പൊലീസിനൊപ്പം പരിശോധന നടത്തുന്ന ചിത്രങ്ങള്‍ കോണ്‍ഗ്രസ് നേതാവും എം.എല്‍.എയുമായ ടി. സിദ്ദീഖ് ഫേസ്ബുക്കില്‍ പങ്കുവെച്ചത്.
പൊലീസിനൊപ്പം ഇവരും ജനങ്ങളെ തടഞ്ഞു നിര്‍ത്തി കാര്യങ്ങള്‍ ചോദിച്ചറിയുന്നുണ്ടെന്നും പരിശോധന നടത്തുന്നുണ്ടെന്നും സിദ്ദീഖ് പറഞ്ഞു.
പൊലീസിന്റെ അധികാരം സേവഭാരതിക്ക് നല്‍കുന്നത് ശരിയാണോ എന്ന് പരിശോധിക്കണം. പൊലീസിനെ സംഘടനകള്‍ സഹായിക്കേണ്ടത് അധികാരം പങ്കിട്ട് കൊണ്ടാവരുത്. ഉത്തരേന്ത്യയല്ല കേരളമെന്നും സിദ്ദീഖ് പറഞ്ഞു.
