സൂര്യയും സുധയും വീണ്ടും ഒന്നിക്കുന്നു; സൂചന നല്‍കി ജി.വി. പ്രകാശ്
എന്റര്‍ടെയിന്‍മെന്റ് ഡെസ്‌ക്
Tuesday, 18th July 2023, 8:21 pm
ദേശീയ പുരസ്‌കാര നേട്ടത്തിന് ശേഷം സുധ കൊങ്കാര ചിത്രത്തിനായി വീണ്ടും സംഗീതം ഒരുക്കാന്‍ ജി.വി. പ്രകാശ്. സുററൈ പോട്രിന് ശേഷം സൂര്യ – സുധ കൊങ്ങര ടീം വീണ്ടും ഒരുമിക്കുന്ന ചിത്രത്തിനായാണ് ജി.വി. പ്രകാശ് സംഗീതം ചെയ്യുന്നത് എന്നാണ് സൂചന. ഇത് യാര്‍ഥ്യമായാല്‍ ജി.വി. പ്രകാശിന്റെ സംഗീത ജീവിതത്തിലെ നൂറാമത്തെ ചിത്രമായിട്ടാവും ഇത് പുറത്തുവരിക.
ജി.വി. 100 ഉടന്‍ എന്ന ജി.വി. പ്രകാശിന്റെ ഏറ്റവും പുതിയ ട്വീറ്റ് സൂര്യ ആരാധകര്‍ ഇതിനോടകം ഏറ്റെടുത്ത് കഴിഞ്ഞു. ഈ ചിത്രം സൂര്യയുടെ പിറന്നാള്‍ ദിവസമായ ജൂലൈ 23 പ്രഖ്യാപിക്കുമെന്ന നേരത്തെ റിപ്പോര്‍ട്ടുകള്‍ ഉണ്ടായിരുന്നു.
സൂര്യയുടെ 43 മത്തെ ചിത്രം ആയിട്ടാവും ഇത് പുറത്തുവരിക. അതേസമയം സൂര്യയെ നായകനാക്കി ആദി നാരായണ തിരക്കഥയെഴുതി ശിവകുമാര്‍ ജയകുമാര്‍ സംവിധാനം ചെയ്യുന്ന കങ്കുവയുടെ പ്രോമോ ജൂലൈ 23നാണ് റിലീസ് ചെയ്യുന്നത്.
