ഒരു പട തന്നെ ഒപ്പമുണ്ട്, ശക്തമായി തുടരുക; ബി.ജെ.പി ഐ.ടി സെല്ലിന്റെ ആക്രമണത്തിന് ഇരയായ സിദ്ധാര്‍ത്ഥിനും കുടുംബത്തിനും പിന്തുണയുമായി പാര്‍വതി
ഡൂള്‍ന്യൂസ് ഡെസ്‌ക്
Thursday, 29th April 2021, 11:36 pm
കൊച്ചി: ബി.ജെ.പി ഐ.ടി സെല്ലിന്റെ അക്രമണത്തിനും ഭീഷണിക്കും ഇരയായ നടന്‍ സിദ്ധാര്‍ത്ഥിന് പിന്തുണയുമായി നടി പാര്‍വതി തിരുവോത്ത്. ‘സിദ്ധാര്‍ഥിനൊപ്പം. ഞങ്ങളുടെ ഒരു പട തന്നെ ഒപ്പമുണ്ട്. ശക്തമായി തുടരുക. കുടുംബത്തിന് എല്ലാവിധ സ്‌നേഹവും’ എന്ന് പാര്‍വതി പറഞ്ഞു.
ട്വിറ്ററിലൂടെയായിരുന്നു പാര്‍വതിയുടെ പ്രതികരണം. തന്റെ ഫോണ്‍ നമ്പര്‍ തമിഴ്‌നാട് ബി.ജെ.പിയും ബി.ജെ.പിയുടെ ഐ.ടി സെല്ലും ചേര്‍ന്നു ചോര്‍ത്തിയതായി സിദ്ധാര്‍ത്ഥ് പറഞ്ഞിരുന്നു.
അസഭ്യം പറഞ്ഞും, റേപ് ചെയ്യുമെന്നും കൊല്ലുമെന്നും ഭീഷണിപ്പെടുത്തുന്ന തരത്തിലുള്ള 500ഓളം ഫോണ്‍ കോളുകളാണ് തനിക്കും കുടുംബാംഗങ്ങള്‍ക്കും 24 മണിക്കൂറിനുള്ളില്‍ വന്നതെന്നും സിദ്ധാര്‍ത്ഥ് വെളിപ്പെടുത്തിയിരുന്നു.
