അവര്‍ കരുത്തര്‍, ഓസ്‌ട്രേലിയയേക്കാളും പേടിക്കേണ്ടത് അവരെ; തുറന്നു പറഞ്ഞ് ശ്രീലങ്കന്‍ സൂപ്പര്‍ താരം
സ്പോര്‍ട്സ് ഡെസ്‌ക്
Saturday, 16th July 2022, 12:02 am
ഓസീസിനെതിരായ ആദ്യ ടെസ്റ്റിലെ പത്ത് വിക്കറ്റിന്റെ പരാജയത്തിന് ശേഷം ശ്രീലങ്കയുടെ തിരിച്ചുവരവിനായിരുന്നു രണ്ടാം ടെസ്റ്റ് സാക്ഷ്യം വഹിച്ചത്. ഇന്നിങ്‌സിനും 39 റണ്‍സിനുമായിരുന്നു കങ്കാരുക്കള്‍ സിംഹളവീര്യത്തിന് മുമ്പില്‍ അടിയറവ് പറഞ്ഞത്.
ഓരോ വിജയവും തോല്‍വിയുമായി രണ്ട് മത്സരങ്ങളുടെ പരമ്പര ശ്രീലങ്ക സമനിലയിലാക്കിയിരുന്നു. സ്പിന്നര്‍മാരായിരുന്നു ലങ്കയെ വിജയത്തിലേക്ക് നയിച്ചത്.
എന്നാല്‍ വരാനിരിക്കുന്ന പരമ്പരയായിരിക്കും തങ്ങള്‍ക്ക് ഏറ്റവും വെല്ലുവിളി ഉയര്‍ത്താന്‍ പോകുന്നതെന്ന് തുറന്നുപറഞ്ഞിരിക്കുകയാണ് ശ്രീലങ്കന്‍ സൂപ്പര്‍ താരം ദിമുത് കരുണരത്‌നെ. ഓസീസിനേക്കാള്‍ പേടിക്കേണ്ടത് പാകിസ്ഥാനെയാണെന്നായിരുന്നു കരുണരത്‌നെ പറഞ്ഞത്.
അവര്‍ വേറെ തന്നെ ഒരു ടീമാണെന്നും സ്പിന്നിനെതിരെ മികച്ച പ്രകടനമാണ് അവര്‍ കാഴ്ചവെക്കുന്നതെന്നും കരുണരത്‌നെ പറഞ്ഞു.
