കാല്ലിസിനൊന്നും നമ്മുടെ ഒരു ബൗണ്‍സര്‍ പോലും നേരിടാന്‍ പറ്റില്ല; ഗില്‍ക്രിസ്റ്റും ബ്രയാന്‍ ലാറയും എന്നെ സംബന്ധിച്ച് ഒന്നുമായിരുന്നില്ല: ശ്രീശാന്ത്
സ്പോര്‍ട്സ് ഡെസ്‌ക്
Tuesday, 19th October 2021, 6:15 pm
ഗില്‍ക്രിസ്റ്റിനും കാല്ലിസിനുമെതിരെ ബോള്‍ ചെയ്യുമ്പോള്‍ തനിക്ക് യാതൊരു വിധത്തിലുള്ള സമ്മര്‍ദവും തോന്നാറില്ലെന്ന് ശ്രീശാന്ത്. മഴവില്‍ മനോരമയിലെ ഉടന്‍പണം എന്ന പരിപാടിയില്‍ പങ്കെടുത്തുകൊണ്ടാണ് ശ്രീശാന്ത് ഇക്കാര്യം പറഞ്ഞത്.
‘സച്ചിനെ ഔട്ടാക്കിയതോടെയാണ് ശ്രീശാന്ത് എന്ന പേര് ലൈംലൈറ്റില്‍ വന്നത്. സച്ചിനെതിരെ ബോള്‍ ചെയ്തു കഴിയുമ്പോള്‍ ഗില്‍ക്രിസ്റ്റും ലാറയുമൊക്കെ ആരെടാ എന്ന പോലെയായിരുന്നു.
രാഹുല്‍ ദ്രാവിഡ്, ലക്ഷ്മണ്‍, യുവരാജ് സിംഗ്, വിരേന്ദര്‍ സേവാഗ്, ഗൗതം ഗംഭീര്‍, സച്ചില്‍ ടെന്‍ഡുല്‍ക്കര്‍ ഇവര്‍ക്കൊക്കെ വേണ്ടിയാണ് നമ്മള്‍ നെറ്റ്‌സില്‍ ബോള്‍ ചെയ്യുന്നത്. ഇവരെ നെറ്റ്‌സില്‍ ഔട്ടാക്കാന്‍ തന്നെ വര്‍ഷങ്ങളായി ബോള്‍ ചെയ്യണം.
