അമൃത്സറില്‍ ഓക്സിജന് കിട്ടാതെ ആറ് രോഗികള്‍ മരിച്ചു
ഡൂള്‍ന്യൂസ് ഡെസ്‌ക്
Saturday, 24th April 2021, 12:49 pm
അമൃത്സര്‍: അമൃത്സറില്‍ ഓക്സിജന് ക്ഷാമം മൂലം ആറ് രോഗികള്‍ മരിച്ചതായി റിപ്പോര്‍ട്ട്. മരിച്ചവരില്‍ അഞ്ച് പേര്‍ കൊവിഡ് രോഗികളാണ്.
നീല്‍കാന്ത് ആശുപത്രിയിലാണ് സംഭവം നടന്നത്. ഇതിന് പിന്നാലെ അധികൃതര്‍ അന്വേഷണം പ്രഖ്യാപിച്ചിട്ടുണ്ട്.
ഓക്സിജന് ഇല്ലാത്തതുകൊണ്ടാണ് ആറ് രോഗികളും മരിച്ചതെന്ന് ആശുപത്രി എം.ഡി സുനില്‍ ദേവ്ഗണ്‍ പറഞ്ഞു.
അതേസമയം, ആവശ്യത്തിന് ഓക്സിജന് ലഭിക്കുന്നില്ലെന്ന് കാണിച്ച് ജില്ലാ ഭരണകൂടത്തിന് അമൃത്സറിലെ സ്വകാര്യ ആശുപത്രികള്‍ കഴിഞ്ഞ ദിവസം പരാതി നല്‍കിയിരുന്നു.
