ന്യൂദല്‍ഹി: ഇന്ത്യയിലെ കൊവിഡ് രോഗികളുടെ എണ്ണം ഏറ്റവും ഉയര്‍ന്ന നിരക്കില്‍. കഴിഞ്ഞ 24 മണിക്കൂറിനിടെ 69,652 പേര്‍ക്കാണ് രാജ്യത്ത് കൊവിഡ് ബാധിച്ചത്. 977 പേരാണ് കഴിഞ്ഞ 24 മണിക്കൂറിനിടെ രാജ്യത്ത് കൊവിഡ് ബാധിച്ച് മരണപ്പെട്ടത്.
ഇന്ത്യയിലെ ആകെ കൊവിഡ് ബാധിതരുടെ എണ്ണം 28 ലക്ഷം കവിഞ്ഞു. 28,36,925 പേര്‍ക്കാണ് രാജ്യത്ത് ഇതുവരെ കൊവിഡ് ബാധിച്ചത്. 53,866 പേരാണ് ഇതുവരെ കൊവിഡ് ബാധിച്ച് മരിച്ചത്.
ഇന്നലെ മാത്രം മഹാരാഷ്ട്രയില്‍ 13165 പേര്‍ക്കാണ് കൊവിഡ് ബാധിച്ചത്. മഹാരാഷ്ട്രയിലെ ഏറ്റവും ഉയര്‍ന്ന പ്രതിദിന കണക്ക് കൂടിയാണ് ഇത്. ഏഴ് സംസ്ഥാനങ്ങളില്‍ ഏറ്റവും കൂടുതല്‍ രോഗികള്‍ ഉണ്ടായ ദിവസം കൂടിയാണ് ഇന്നലെ. ആഗസ്റ്റ് എട്ടിന് 12,822 കേസുകള്‍ റിപ്പോര്‍ട്ട് ചെയ്തതായിരുന്നു മഹാരാഷ്ട്രയിലെ ഏറ്റവും ഉയര്‍ന്ന പ്രതിദിന കണക്ക്. അതാണ് ഇന്നലെ മറികടന്നത്.
6,86,395 പേരാണ് രാജ്യത്ത് നിലവില്‍ കൊവിഡ് ചികിത്സയിലുള്ളത്.20,96,664. പേര്‍ രോഗമുക്തരായി. 73.8 ശതമാനമാണ് രോഗമുക്തി നിരക്ക്.
കൊവിഡ് വ്യാപനം രാജ്യത്ത് ഏറ്റവും കൂടുതലായി റിപ്പോര്‍ട്ട് ചെയ്യപ്പെട്ട സംസ്ഥാന മഹാരാഷ്ട്രയാണ്.
ആഗസ്റ്റ് മാസത്തില്‍ മാത്രം 2.07 ലക്ഷം ആളുകള്‍ക്കാണ് മഹാരാഷ്ട്രയില്‍ കൊവിഡ് ബാധിച്ചത്. ഇതില്‍ 19331 കേസുകളും മുംബെയിലാണ് റിപ്പോര്‍ട്ട് ചെയ്തത്.
മരണനിരക്കിന്റെ കാര്യത്തില്‍ മഹാരാഷ്ട്രയ്ക്ക് പിന്നില്‍ കര്‍ണാടകയാണ് ഉള്ളത്. ഇന്നലെ മാത്രം 126 പേരാണ് കര്‍ണാടകയില്‍ കൊവിഡ് ബാധിച്ച് മരിച്ചത്.
ഇന്നലെ കേരളത്തിലും ഏറ്റവും ഉയര്‍ന്ന കൊവിഡ് കേസാണ് റിപ്പോര്‍ട്ട് ചെയ്യപ്പെട്ടത്. 2233 പേര്‍ക്കാണ് കേരളത്തില്‍ കൊവിഡ് സ്ഥിരീകരിച്ചത്. കേരളത്തില്‍ ആദ്യമായാണ് കൊവിഡ് രോഗികളുടെ എണ്ണം 2000 കടക്കുന്നത്.
ഡൂള്‍ന്യൂസിനെ ഫേസ്ബുക്ക്, ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
