നിങ്ങളുടെ സ്വന്തം ടീമല്ലേ? അല്‍പം മാന്യത കാണിക്കൂ; ഇന്ത്യന്‍ ടീമിനെതിരായ സൈബര്‍ ആക്രമണങ്ങളില്‍ മാധ്യമങ്ങളോടും മുന്‍താരങ്ങളോടും അക്തര്‍
സ്പോര്‍ട്സ് ഡെസ്‌ക്
Tuesday, 2nd November 2021, 7:47 pm
ലാഹോര്‍: ടി-20 ലോകകപ്പിലെ തുടര്‍പരാജയങ്ങള്‍ക്ക് പിന്നാലെ ഇന്ത്യന്‍ ക്രിക്കറ്റ് ടീമിന് നേര്‍ക്കുണ്ടായ സൈബര്‍ ആക്രമണങ്ങള്‍ക്കെതിരെ പാകിസ്ഥാന്‍ മുന്‍ താരം ഷോയിബ് അക്തര്‍. ഇന്ത്യന്‍ ടീമിന് മേല്‍ അമിത സമ്മര്‍ദ്ദം ചുമത്തുന്നത് അംഗീകരിക്കാനാവില്ലെന്ന് അക്തര്‍ പറഞ്ഞു.
തന്റെ യൂട്യൂബ് ചാനലിലായിരുന്നു അദ്ദേഹത്തിന്റെ പ്രതികരണം.
ഇന്ത്യന്‍ ടീമിനെതിരെ എന്തിനാണ് ഇത്രയും വിദ്വേഷം പ്രചരിപ്പിക്കുന്നതെന്നും അദ്ദേഹം ചോദിച്ചു. മുന്‍ താരങ്ങളും ടീമിന് അമിത സമ്മര്‍ദ്ദം നല്‍കുകയാണെന്ന് അക്തര്‍ പറഞ്ഞു.
‘ഇന്ത്യന്‍ ടീം അജയ്യരാണോ? അവര്‍ ഒരിക്കലും തോല്‍ക്കില്ലേ? അത്തരം പ്രതീക്ഷകള്‍ സൃഷ്ടിക്കുന്നതില്‍ മാധ്യമങ്ങള്‍ക്കും വലിയ പങ്കുണ്ട്,’ അക്തര്‍ പറഞ്ഞു.
