ഇന്ദിരാഗാന്ധിയെക്കുറിച്ച് നടത്തിയ വിവാദ പരാമര്‍ശം പിന്‍വലിച്ച് ശിവസേനാ നേതാവ്
ഡൂള്‍ന്യൂസ് ഡെസ്‌ക്
Thursday, 16th January 2020, 6:11 pm
മുംബൈ: മുന്‍ പ്രധാനമന്ത്രി ഇന്ദിരാഗാന്ധിയെക്കുറിച്ച് നടത്തിയ വിവാദ പരാമര്‍ശം പിന്‍വലിച്ച് ശിവസേന നേതാവ് സഞ്ജയ് റാവത്ത്. അധോലോക കുറ്റവാളി കരിം ലാലയുമായി ഇന്ദിരാഗാന്ധി കൂടിക്കാഴ്ച നടത്തിയിരുന്നുവെന്ന സഞ്ജയ് റാവത്തിന്റെ വിവാദ പരാമര്‍ശമാണ് പിന്‍വലിച്ചത്.
കോണ്‍ഗ്രസ് നേതാക്കളില്‍ നിന്ന് വലിയ വിമര്‍ശനം നേരിട്ടതിനെത്തുടര്‍ന്നാണ് സഞ്ജയ് റാവത്ത് പരാമര്‍ശം പിന്‍വലിച്ചത്. ഞാന്‍ പറഞ്ഞ പരാമര്‍ശത്തില്‍ ആര്‍ക്കെങ്കിലും വിഷമം നേരിട്ടുവെങ്കില്‍ അത് ഞാന്‍ പിന്‍വലിക്കുന്നുവെന്നാണ് സഞ്ജയ് റാവത്ത് പറഞ്ഞത്.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
1960-70 കാലഘട്ടത്തില്‍ മുംബൈയിലെ അധോലോക കുറ്റവാളി കരിം ലാലയുമായി ഇന്ദിരാഗാന്ധി കൂടിക്കാഴ്ച നടത്തിയിരുന്നുവെന്നാണ് മാധ്യമസ്ഥാപനത്തിന് നല്‍കിയ അഭിമുഖത്തില്‍ സഞ്ജയ് റാവത്ത് പറഞ്ഞത്.
