റിയാദിനെ ഗ്ലോബല്‍ സിറ്റിയാക്കാന്‍ സൗദി; റിയാദ് 2030 പദ്ധതി അടുത്തവര്‍ഷം പ്രഖ്യാപിക്കും
ഡൂള്‍ന്യൂസ് ഡെസ്‌ക്
Tuesday, 28th December 2021, 2:08 pm
റിയാദ്: സൗദി അറേബ്യ തലസ്ഥാനമായ റിയാദിന്റെ വികസനപദ്ധതി ഈ വര്‍ഷം പ്രഖ്യാപിക്കില്ല. അടുത്ത വര്‍ഷത്തേക്കാണ് പദ്ധതി പ്രഖ്യാപനം മാറ്റിവെച്ചത്.
പദ്ധതി സംബന്ധിച്ച് ചില കാര്യങ്ങള്‍ പൂര്‍ത്തിയാവാനുണ്ടെന്നാണ് പ്രഖ്യാപനം നീണ്ടത് വിശദീകരിച്ച് സ്റ്റേറ്റ് ന്യൂസ് ഏജന്‍സിയായ എഫ്.പി.എ റിപ്പോര്‍ട്ട് ചെയ്തത്. 2022ല്‍ തന്നെ വികസന പദ്ധതി ഫൈനലാക്കുമെന്നും റിപ്പോര്‍ട്ടില്‍ പറയുന്നു.
2030 വരെയുള്ള റിയാദിന്റെ സമഗ്ര വികസനത്തെ ലക്ഷ്യം വെച്ചാണ് ‘റിയാദ് 2030’ സ്ട്രാറ്റജി പുറത്തിറക്കുന്നത്.
220 ബില്യണ്‍ ഡോളറാണ് റിയാദിനെ 2030ഓടു കൂടി ഒരു ഗ്ലോബല്‍ സിറ്റിയായി ഉയര്‍ത്തുവാന്‍ സൗദി ഇന്‍വെസ്റ്റ് ചെയ്യുന്നത്. സ്വകാര്യ മേഖലയില്‍ നിന്നും സമാനമായ രീതിയില്‍ സൗദി നിക്ഷേപങ്ങള്‍ പ്രതീക്ഷിക്കുന്നുണ്ടെന്ന് റിയാദ് റോയല്‍ കമ്മീഷന്‍ തലവന്‍ നേരത്തേ വ്യക്തമാക്കിയിരുന്നു.
