ഇത് സാമന്തയുടെ 'അറബിക് കുത്ത്'; വീഡിയോ പങ്കുവെച്ച് താരം
എന്റര്‍ടെയിന്‍മെന്റ് ഡെസ്‌ക്
Friday, 18th February 2022, 2:15 pm
ആരാധകര്‍ കാത്തിരിക്കുന്ന വിജയ് ചിത്രം ‘ബീസ്റ്റി’ലെ ആദ്യഗാനമായ ‘അറബിക് കുത്ത്’ സോഷ്യല്‍ മീഡിയയില്‍ സൃഷ്ടിച്ച തരംഗം തുടരുകയാണ്. ഗാനം ഗ്ലോബല്‍ ടോപ്പ് 200 ചാര്‍ട്ടില്‍ ഇടംനേടിയ വിവരം കഴിഞ്ഞ ദിവസം സണ്‍ പിക്‌ച്ചേഴ്‌സ് പുറത്തുവിട്ടിരുന്നു.
പാട്ടിന്റെ റീല്‍സും ആരാധകര്‍ ഏറ്റെടുത്തിരുന്നു. കുട്ടികള്‍ മുതല്‍ മുതിര്‍ന്നവര്‍ വരെ റീല്‍സ് കളിക്കുന്നതിന്റെ വീഡിയോ പുറത്തുവന്നിരുന്നു. ഇപ്പോഴിതാ തെന്നിന്ത്യന്‍ സൂപ്പര്‍ താരം സാമന്തയും അറബിക് കുത്തിന് ചുവട് വെച്ചിരിക്കുകയാണ്. താരം തന്നെയാണ് ഇന്‍സ്റ്റഗ്രാമിലൂടെ വീഡിയോ പുറത്തുവിട്ടിരിക്കുന്നത്.
‘മറ്റൊരു ലേറ്റ് നൈറ്റ് ഫ്‌ളൈറ്റ്, അല്ല ഈ രാത്രിയുടെ റിഥം ‘ഹലമത്തിഹബീബോ’, എന്നാണ് സാമന്ത വീഡിയോ പങ്കുവെച്ചുകൊണ്ട് കുറിച്ചത്.
