സല്‍മാന്‍ ഖാന് ജയിലില്‍ കഴിയുന്ന അധോലോക നേതാവിന്റെ ഭീഷണി; സുരക്ഷ കൂട്ടി
ഡൂള്‍ന്യൂസ് ഡെസ്‌ക്
Thursday, 16th March 2023, 8:21 am
മുംബൈ: ബോളിവുഡ് നടന്‍ സല്‍മാന്‍ ഖാന് ജയിലില്‍ കഴിയുന്ന അധോലോക നേതാവ്
ലോറന്‍സ് ബിഷ്‌ണോയിയുടെ ഭീഷണി. ഇതേത്തുടര്‍ന്ന് നടന്റെ സുരക്ഷ ശക്തമാക്കി. ഈയടുത്ത് എ.ബി.പി ന്യൂസിന് നല്‍കിയ ഒരു അഭിമുഖത്തിലായിരുന്നു ലോറന്‍സ് സല്‍മാന്‍ ഖാനെതിരെ ഭീഷണി മുഴക്കിയത്.
കൃഷ്ണമൃഗത്തെ വേട്ടയാടിയതില്‍ താനുള്‍പ്പെടെയുള്ള ബിഷ്‌ണോയി സമുദായം കടുത്ത ദേഷ്യത്തിലാണെന്ന് ലോറന്‍സ് പറഞ്ഞിരുന്നു. ഇതിന് പ്രായശ്ചിത്തമായി നടന്‍ തങ്ങളുടെ ക്ഷേത്രങ്ങള്‍ സന്ദര്‍ശിച്ച് മാപ്പ് പറയണമെന്നും അല്ലെങ്കില്‍ അതിന്റെ അനന്തരഫലങ്ങള്‍ അനുഭവിക്കേണ്ടിവരുമെന്നും ലോറന്‍സ് പറഞ്ഞിരുന്നു.
