മുംബൈ ഇന്ത്യന്‍സിന്റെ ചരിത്രത്തിലെ തന്നെ ഏറ്റവും മോശം സീസണായിരുന്നു ഐ.പി.എല്‍ 2022. അഞ്ച് തവണ കപ്പടിച്ചതിന്റെ മേന്മ മാത്രമായിരുന്നു മുംബൈയ്ക്ക് ഈ സീസണില്‍ പറയാനുണ്ടായിരുന്നത്.
ഒന്നിന് പിറകെ ഒന്നായി ഓരോ മത്സരവും തോറ്റായിരുന്നു മുബൈയുടെ മടക്കം, കളിച്ച പതിനാല്‍ മത്സരത്തില്‍ പത്തിലും തോറ്റാണ് മുംബൈ സീസണിനോട് വിട പറയുന്നത്.
8 പോയിന്റോടെ പത്താം സ്ഥാനക്കാരായിട്ടായിരുന്നു മുംബൈ സീസണ്‍ അവസാനിപ്പിച്ചത്.
മുംബൈയെ പോലെ തന്നെ കഷ്ടകാലമാണ് ക്യാപ്റ്റന്‍ രോഹിത് ശര്‍മയക്കും. ദല്‍ഹിക്കെതിരെയുള്ള ഈ സീസണിലെ അവസാന മത്സരത്തില്‍ 13 പന്ത് നേരിട്ട് 2 റണ്‍സ് നേടി പുറത്തായതോടെ മറ്റൊരു മോശം റെക്കോഡിനുടമയായിരിക്കുകയാണ് രോഹിത്.
അടുത്ത സീസണില്‍ ടീം മികച്ച രീതിയില്‍ തിരിച്ചുവരുമെന്ന സൂചന തന്നുകൊണ്ടാണ് സീസണിലെ അവസാന മത്സരം അവര്‍ കളിച്ചത്. ദല്‍ഹിയെ തോല്‍പ്പിച്ച് അവരുടെ പ്ലേ ഓഫ് സാധ്യതകള്‍ മുടക്കികൊണ്ടാണ് മുംബൈ അവരുടെ സീസണ്‍ അവസാനിപ്പിച്ചത്.
Content highlight: Rohit Sharma registers the worst opening record in IPL history
