അട്ടിമറിനീക്കം ശക്തം; കര്‍ണാടകയിലെ രണ്ട് വിമത കോണ്‍ഗ്രസ് എം.എല്‍.എമാര്‍ ബി.ജെ.പി നേതാവ് എസ്.എം കൃഷ്ണയെ കണ്ടു
ഡൂള്‍ന്യൂസ് ഡെസ്‌ക്
Monday, 27th May 2019, 9:31 am
ബെംഗളുരു: തെരഞ്ഞെടുപ്പ് ഫലം പുറത്തു വന്നതിന് പിന്നാലെ കര്‍ണാടകയിലെ രാഷ്ട്രീയാന്തരീക്ഷം ബി.ജെ.പിക്ക് അനുകൂലമായി തിരിയുന്നതായി സൂചന. കോണ്‍ഗ്രസിന്റെ രണ്ടു വിമത എം.എല്‍.എമാര്‍ ഇന്നലെ ബി.ജെ.പി നേതാവ് എസ്.എം കൃഷ്ണയെ അദ്ദേഹത്തിന്റെ വസതിയില്‍ പോയി കണ്ടിരുന്നു.
ജെ.ഡി.എസ് നേതാവ് കുമാരസ്വാമിയുടെ മുഖ്യമന്ത്രി പദവിയില്‍ അസംതൃപ്തരായ കോണ്‍ഗ്രസിലെ എട്ടോളം എം.എല്‍.എമാരില്‍ പെട്ട രമേഷ് ജാര്‍കിഹോളി, കെ.സുധാകര്‍ എന്നിവരാണ് കൃഷ്ണയെ കണ്ടത്.
എന്നാല്‍ മുന്‍ കോണ്‍ഗ്രസ് നേതാവും കര്‍ണാടക മുഖ്യമന്ത്രിയുമായിരുന്ന എസ്.എം കൃഷ്ണയെ രാഷ്ട്രീയം ചര്‍ച്ച ചെയ്യാന്‍ വേണ്ടിയല്ല കണ്ടതെന്നായിരുന്നു എം.എല്‍.എമാരുടെ വാദം. കര്‍ണാടകയില്‍ ബി.ജെ.പി 25 സീറ്റില്‍ ജയിച്ചതിന് ശേഷം കൃഷ്ണജിയെ അഭിനന്ദിക്കാനാണ് ഞങ്ങള്‍ പോയത്.
