ന്യൂദല്‍ഹി: ബി.ബി.സി ഓഫീസുകളിലെ ആദായനികുതി ഉദ്യോഗസ്ഥരുടെ റെയ്ഡ് മൂന്നാം ദിവസവും തുടരുന്നു. ഉദ്യോഗസ്ഥര്‍ പല ഷിഫ്റ്റുകളായിട്ടാണ് പരിശോധന നടത്തുന്നത്. ആദ്യം എത്തിയ 20 ഉദ്യോഗസ്ഥര്‍ ബുധനാഴ്ച മടങ്ങിയിരുന്നു. തുടര്‍ന്ന് മറ്റൊരു ടീമാണ് പരിശോധനക്കെത്തിയത്. ബുധനാഴ്ച രണ്ട് ഷിഫ്റ്റുകളായി മാറി മാറിയാണ് പരിശോധന നടത്തിയത്.
നികുതി നല്‍കാതെ അനധികൃതമായി ലാഭം വിദേശത്തേക്ക് കടത്തിയെന്ന ആരോപണത്തിലാണ് പരിശോധന തുടരുന്നതെന്നാണ് റിപ്പോര്‍ട്ടുകള്‍. ഫിനാന്‍സ് അക്കൗണ്ട്‌സ് വിഭാഗത്തിലാണ് പരിശോധനയെന്നും വാര്‍ത്ത വിഭാഗത്തിലേക്ക് പരിശോധന ഇതുവരെ കാര്യമായി എത്തിയിട്ടില്ലെന്നും റിപ്പോര്‍ട്ടുകളില്‍ പറയുന്നു. എന്നാല്‍ ആദ്യ ദിവസം മാധ്യമപ്രവര്‍ത്തകര്‍ അടക്കമുള്ള ഉദ്യോഗസ്ഥരുടെ ഫോണുകളും ലാപ്‌ടോപ്പുകളും ഓണ്‍ ചെയ്ത് പരിശോധന നടത്തിയിരുന്നു.
#EXCLUSIVE on @thenewindian_in:
The first Inside picture from @BBCIndia office on the fifth floor of HT building
I-T officials start checking their computers in a late evening search, reports @AlokReporter for us @TheNewIndian_in #BBCOffice #BBCGetsRaided #BBCRaid #BBCRaid pic.twitter.com/6Bkv8CHbsK
— Rohan Dua (@rohanduaT02) February 15, 2023
അതിനിടയില്‍ റെയ്ഡല്ല പരിശോധനയാണെന്ന അറിയിപ്പ് തന്നെയാണ് ഇപ്പോഴും ആദയ നികുതി ഉദ്യോഗസ്ഥര്‍ നല്‍കുന്നതെന്നും ദേശീയ മാധ്യമങ്ങള്‍ പറയുന്നു. കണക്ക് പരിശോധനക്കപ്പുറത്തേക്ക് ഒരു റെയ്ഡില്‍ സ്വീകരിക്കേണ്ട നടപടികളൊന്നും ഇതുവരെ സ്വീകരിച്ചിട്ടില്ലെന്നും ഈ റിപ്പോര്‍ട്ടുകള്‍ പറയുന്നു.
This IT bonded labour is as arrogant as his master Darpok Modani.
Dimwit came to conduct raid on BBC office not knowing that he is being captured by CCTV cameras. pic.twitter.com/u5CctWOorR
— सुहाना INC 🇮🇳 (@2Suhana25) February 15, 2023
