കനയ്യ കുമാറിന് രാഹുല്‍ കൊടുത്ത ഓഫര്‍ ബീഹാറിന്റെ മുഖ്യമന്ത്രിസ്ഥാനം? കനയ്യയുടെ പാര്‍ട്ടി മാറ്റത്തില്‍ പ്രതികരണവുമായി മുഹമ്മദ് മൊഹ്‌സീന്‍
ഡൂള്‍ന്യൂസ് ഡെസ്‌ക്
Wednesday, 29th September 2021, 9:35 am
പാലക്കാട്: കനയ്യകുമാറിന്റെ കോണ്‍ഗ്രസ് പ്രവേശനത്തില്‍ പ്രതികരണവുമായി സുഹൃത്ത് മുഹമ്മദ് മൊഹ്‌സീന്‍.
കനയ്യക്ക് വന്‍ ഓഫറുകളാണ് രാഹുല്‍ ഗാന്ധി നല്‍കിയതെന്ന് പട്ടാമ്പി എം.എല്‍.എയും ജെ.എന്‍.യുവിലെ കനയ്യയുടെ സുഹൃത്തുമായിരുന്ന മൊഹ്‌സീന്‍ പറഞ്ഞു. ഏഷ്യാനെറ്റ് ന്യൂസിനോടായിരുന്നു പ്രതികരണം.
ഭാവി ബീഹാര്‍ മുഖ്യമന്ത്രി സ്ഥാനം ഉള്‍പ്പെടെയുള്ള വാഗ്ദാനങ്ങള്‍ രാഹുല്‍ കനയ്യക്ക് മുന്നില്‍വെച്ചിട്ടുണ്ടെന്നാണ് കേള്‍ക്കുന്നതെന്നും മൊഹ്‌സീന്‍ പറഞ്ഞു.
