ഖത്തറില്‍ ഇറക്കുമതി ചെയ്യുന്ന മാംസവും പച്ചക്കറിയും രാജ്യങ്ങളുടെ പേര് മാറ്റി വില്‍പന; പ്രമുഖ കമ്പനിക്കെതിരെ വാണിജ്യ മന്ത്രാലയത്തിന്റെ നടപടി
ഡൂള്‍ന്യൂസ് ഡെസ്‌ക്
Tuesday, 14th December 2021, 8:43 am
ദോഹ: ഇറക്കുമതി ചെയ്യുന്ന മാംസവും പച്ചക്കറിയും രാജ്യങ്ങളുടെ പേര് മാറ്റി വില്‍പന നടത്തിയ കമ്പനിക്കെതിരെ ഖത്തര്‍ വാണിജ്യ മന്ത്രാലയത്തിന്റെ നടപടി.
ഗുരുതരമായ ക്രമക്കേട് കണ്ടെത്തിയതിന് പിന്നാലെയാണ് മന്ത്രാലയത്തിന്റെ നടപടി.
ഖത്തറിലേക്ക് പച്ചക്കറി, പഴം, മാംസം തുടങ്ങിയവ ഇറക്കുമതി ചെയ്യുന്ന പ്രമുഖ കമ്പനിക്കെതിരെയാണ് നടപടി. പരിശോധനയില്‍ മാംസവും പച്ചക്കറിയും ഇറക്കുമതി ചെയ്ത ശേഷം രാജ്യങ്ങളുടെ പേര് മാറ്റി സ്റ്റിക്കര്‍ പതിച്ചതായി കണ്ടെത്തി.
അധികൃതര്‍ നടത്തിയ പരിശോധനയിലാണ് കമ്പനിയുടെ തട്ടിപ്പ് പുറത്തുവന്നത്. എന്നാല്‍, കമ്പനിയുടെ പേര് പുറത്തുവിട്ടിട്ടില്ല.
