നാല് വര്‍ഷക്കാലം എന്തുചെയ്തുവെന്ന് ചോദ്യം; യുവാവിനെ ക്രൂരമായി തല്ലിച്ചതച്ച് കോണ്‍ഗ്രസ് എം.എല്‍.എ, വീഡിയോ
ഡൂള്‍ന്യൂസ് ഡെസ്‌ക്
Wednesday, 20th October 2021, 7:50 pm
അമൃത്സര്‍: തന്റെ ഭരണം ചോദ്യം ചെയ്ത യുവാവിനെ ക്രൂരമായി തല്ലിച്ചതച്ച് പഞ്ചാബിലെ കോണ്‍ഗ്രസ് എം.എല്‍.എ. ഭോവ മണ്ഡലത്തിലെ ജോഗീന്ദര്‍ പാലാണ് യുവാവിനെ മര്‍ദ്ദിച്ചത്.
പത്താന്‍കോട്ട് ജില്ലയിലെ സമരല്ല ഗ്രാമത്തിലായിരുന്നു സംഭവം. പ്രദേശത്തെ ഒരു മതാനുഷ്ഠാന ചടങ്ങില്‍ പങ്കെടുത്ത് സംസാരിക്കുകയായിരുന്നു എം.എല്‍.എ.
ഇതിനിടെയാണ് യുവാവ് താങ്കള്‍ കഴിഞ്ഞ നാല് വര്‍ഷമായി മണ്ഡലത്തില്‍ എന്താണ് ചെയ്തതെന്ന് ചോദിച്ചത്.
എം.എല്‍.എ സംസാരിക്കുന്നിടത്തേക്ക് പോകുന്നത് ആദ്യം സുരക്ഷാ ഉദ്യോഗസ്ഥര്‍ തടഞ്ഞെങ്കിലും പിന്നീട് ഇയാള്‍ ജോഗീന്ദര്‍ പാലിനടുത്തെത്തുകയായിരുന്നു.
