ജോജു ജോര്‍ജും, ഐശ്വര്യ രാജേഷും കേന്ദ്രകഥാപാത്രങ്ങളില്‍ എത്തുന്ന ഏറ്റവും പുതിയ ചിത്രമായ ‘പുലിമട’ റിലീസിന് ഒരുങ്ങുന്നു. ടൈറ്റില്‍ പോസ്റ്റര്‍ പുറത്തിറങ്ങി ‘SCENT OF A WOMAN’എന്ന ടാഗ് ലൈനോട് കൂടിയാണ് പോസ്റ്റര്‍ പുറത്തിറങ്ങിയിരിക്കുന്നത്. പുലിമടയുടെ കഥ, തിരക്കഥ, സംഭാഷണം, എഡിറ്റിങ്, സംവിധാനം എന്നിവ നിര്‍വഹിക്കുന്നത് എ.കെ. സാജന്‍ ആണ്. വേണുവാണ് ക്യാമറ കൈകാര്യം ചെയ്യുന്നത്.
ഇരട്ടക്ക് ശേഷം ജോജു നായകനായി എത്തുന്ന ചിത്രം ആണ് പുലിമട. ലാന്റ് സിനിമാസിന്റെയും, ഐന്‍സ്റ്റീന്‍ മീഡിയയുടെയും, ബാനറില്‍ ഐന്‍സ്റ്റീന്‍ സാക്ക് പോളും രാജേഷ് ദാമോദരനും ചേര്‍ന്നാണ് പുലിമട നിര്‍മിക്കുന്നത്.
ചെമ്പന്‍ വിനോദ്, ലിജോ മോള്‍, ജാഫര്‍ ഇടുക്കി, ജിയോ ബേബി, ബാലചന്ദ്ര മേനോന്‍, ജോണി ആന്റണി, കൃഷ്ണ പ്രഭ, സോനാ നായര്‍ എന്നീ താരങ്ങളോടൊപ്പം മലയാളത്തിലെ മറ്റ് നിരവധി അഭിനേതാക്കളും അണിനിരക്കുന്നു.
