ആദ്യ സിനിമ ചെയ്യുമ്പോള്‍ ഒരു കുന്തവും അറിയില്ല; സ്‌ക്രീനില്‍ പ്രിയയെ കാണാന്‍ പറ്റില്ലെന്ന് സര്‍ പറഞ്ഞു: പ്രിയ വാര്യര്‍
എന്റര്‍ടെയിന്‍മെന്റ് ഡെസ്‌ക്
Tuesday, 16th May 2023, 11:39 pm
ഒരു അഡാര്‍ ലവ് സ്‌റ്റോറി എന്ന സിനിമയിലൂടെ മലയാള സിനിമാ രംഗത്തേക്ക് കടന്ന് വന്നയാളാണ് പ്രിയ വാര്യര്‍. തനിക്ക് ആദ്യ സിനിമ ചെയ്യുമ്പോള്‍ ഒരു കുന്തവും അറിയില്ലായിരുന്നുവെന്നും മനസില്‍ തോന്നിയത് ചെയ്യുകയായിരുന്നെന്നും പറയുകയാണ് നടിയിപ്പോള്‍. തന്നോട് റിയാക്റ്റ് ചെയ്താല്‍ മതിയെന്നാണ് പറഞ്ഞതെന്നും പ്രിയ വാര്യര്‍ പറഞ്ഞു.
ഇന്ത്യാ ഗ്ലിറ്റ്‌സിന് നല്‍കിയ അഭിമുഖത്തിലാണ് നടി ഇക്കാര്യങ്ങള്‍ പറഞ്ഞത്.
‘ആദ്യത്തെ പടം ചെയ്യുമ്പോള്‍ എനിക്ക് ഒരു കുന്തവും അറിയില്ല. എന്നോട് റിയാക്റ്റ് ചെയ്യാന്‍ പറഞ്ഞു. ഞാന്‍ ചെയ്തു. നമ്മള്‍ നാച്ചുറലി സംസാരിക്കുമ്പോഴും ക്യാമറയില്‍ വരുമ്പോഴും ഒന്ന് ടോണ്‍ ഡൗണ്‍ ചെയ്യണമെന്ന വിവരമൊന്നും ആ സമയത്ത് ഇല്ലല്ലോ. അപ്പോള്‍ മനസില്‍ തോന്നിയത് എന്താണോ അത് ചെയ്തു.
