ഇങ്ങനെ മര്യാദയില്ലാത്ത ഒരാളെയായിരുന്നല്ലാ സി.ബി.ഐ മേധാവിയാക്കി ഇരുത്തിയത്! സ്വാമി അഗ്നിവേശിനെ അധിക്ഷേപിച്ച മുന്‍ സി.ബി.ഐ ഡയരക്ടര്‍ക്കെതിരെ പ്രശാന്ത് ഭൂഷണ്‍
ഡൂള്‍ന്യൂസ് ഡെസ്‌ക്
Saturday, 12th September 2020, 7:21 pm
ന്യൂദല്‍ഹി: അന്തരിച്ച സ്വാമി അഗ്നിവേശിനെ അധിക്ഷേപിച്ച മുന്‍ സി.ബി.ഐ ഡയരക്ടര്‍ നാഗേശ്വര റാനിവിനെതിരെ മുതിര്‍ന്ന അഭിഭാഷകന്‍ പ്രശാന്ത് ഭൂഷണ്‍. ഇങ്ങനെയുള്ള മര്യാദയില്ലാത്ത ഒരാളെയാണല്ലോ സി.ബി.ഐയുടെ മേധാവിയാക്കിയിരുന്നതെന്ന് പ്രശാന്ത് ഭൂഷണ്‍ ചോദിച്ചു.
നാര്‍ക്കോടിക്‌സ് കണ്‍ട്രോള്‍ ബ്യൂറോ തലവന്‍ രാകേഷ് അസ്താനയ്‌ക്കെതിരേയും ഭൂഷണ്‍ വിമര്‍ശനം ഉന്നയിച്ചു. നടി റിയ ചക്രബര്‍ത്തിയെ അറസ്റ്റ് ചെയ്ത നടപടി ചൂണ്ടിക്കാട്ടിയായിരുന്നു ഭൂഷന്റെ പരാമര്‍ശം.
സി.ബി.ഐ മുന്‍ തലവനും നിലവില്‍ എന്‍.സി.ബി മേധാവിയുമായ രാകേഷ് ആസ്താന റിയയുടെ കാര്യം അന്വേഷിക്കുന്ന തിരക്കിലാണെന്ന് പരിഹസിച്ച ഭൂഷണ്‍ എന്നിട്ടും സി.ബി.ഐ മേധാവിയായിട്ട് രാകേഷ് തിരിച്ചുവരണമെന്ന് പറയുന്നത് കേള്‍ക്കുമ്പോള്‍ അതിശയം തോന്നുന്നെന്നും പറഞ്ഞു.
